බදුලු පුරවරයට අතිශය සංචාරක ආකර්ශණයක් ගෙනදෙන නාරංගල කන්ද, පාරසරික මෙන්ම ප්‍රදේශයේ බොහෝ ජනප්‍රවාදයන් හා සම්බන්ධ වටිනාකම් රැසක් සහිත ඇති දැවැන්ත මනරම් කන්දකි. අංශක 360 ක දර්ශන පථයක් නාරංගල කඳු මුදුනේ සිට දැක බලා ගත හැකි අතර, කඳු නගින්නන් සහ කඳවුරු බඳින දෙස් විදෙස් සංචාරකයන් අතර නාරංගල කන්ද ඉතාමත් ජනප්‍රිය ස්ථානයකි.
ඌව පළාතේ, බදුල්ල දිස්‌ත්‍රික්‌කයේ හාලිඇල, සොරණාතොට හා කන්දකැටිය ප්‍රාදේශීය ලේකම් බල ප්‍රදේශ හා යාවූ මනරම් පරිසර කලාපයක පිහිටා ඇති නාරංගල කන්ද, අනෙකුත් කඳු අතරින් හැඩයෙන් ඉතාමත් වෙනස් හා පැහැදිලිව හදුනාගත හැකි අපූරු උල් හැඩයකින් යුතු කන්දකි.
නාරංගල කන්දට ළඟාවීමට මාර්ග කිහිපයක් ඇති අතර බදුල්ල - කොළඹ මාර්ගයේ ගොස් හාලිඇල නගරයෙන් හැරී කන්දෙගෙදර ග්‍රාමයට පිවිස කන්ද තරණය කිරීම සුලභය. ඊට අමතරව සොරණාතොට මැඩිතලේ හන්දියෙන් හැරී ගමන් කිරීමෙන්ද, නාරංගල ලෙජර්වත්ත නැමැති තේ වත්ත ඔස්සේ වැටී තිබෙන අඩිපාර දිගේ ගමන් කිරීමෙන්ද නාරංගල කන්ද මුදුනටම ගමන් කිරීමේ හැකියාව පවතී.
පුරාණ ජනප්‍රවාද වලට අනුව "නාරංගල" යන නම නිර්මාණය වී ඇත්තේ වලගම්බා රජතුමා නාරංගල කන්දේ ගුහාවක රන් කළ නවයක් සඟවා තැබූ බවත් ඒ නිසා මෙම කන්දේ නම "නව රන් කළ" ලෙස හඳුන්වා ඇති අතර කාලයත් සමඟ එය "නාරංගල" ලෙසින් වෙනස් වූ බවත් පැවසේ.
ඌව පළාතේ කඳු පන්ති අතර නාරංගල කන්ද දෙවැනි වන්නේ නමුණුකුල කඳු වැටියට පමණි.
ඓතිහාසික වශයෙන් ගත්කල නාරංගල කඳු පන්තිය ආශ්‍රිත ප්‍රදේශයේ ඉතිහාසය බුදුන් වහන්සේගේ පළමු ලංකාගමනය දක්‌වා ඈතට දිව යන්නකි. බුදුරජාණන් වහන්සේගේ පළමු වතාවට මහියංගණයට වැඩම කරන ලද්දේ බුද්ධත්වයෙන් නවවැනි මාසයේ යෙදුණු පූර්ණ චන්ද්‍ර හෙවත් දුරුතු පොහෝ දිනයේදී ය.
ඌවේ වැසියන් අතර ප්‍රකට එක්‌ ඓතිහාසික පුරාවෘතාන්තයක්‌ අනුව මහියංගනයට පැමිණි බුදුන් වහන්සේ නාරංගල කඳු මුදුනේ සිරිපා සටහනක්‌ තැබීමේ බලාපොරොත්තුවෙන් එහි පැමිණියත් දුරුතු පොහෝ දින නාරංගල කඳු ප්‍රදේශය අසල ගමක ගොවීන් පිරිසක්‌ සී සාමින් සිටි නිසා බුදුන් වහන්සේ සිරිපා සටහනක්‌ තැබීමේ අදහස අතහැර පිටත්ව ගිය බවකි. මෙම කතාවෙන් ගම්‍ය වන එක්‌ කරුණක්‌ වන්නේ මෙයින් වසර 2600 පෙර පවා නාරංගල කඳු පන්තිය ආසන්න ප්‍රදේශයේ කෘෂිකර්මය පාදක කොටගත් ජීවන රටාවක්‌, ආර්ථිකයක්‌ හා මනා ලෙස ස්‌ථාපිත වූ ජනාවාස පිහිටා තිබූ බවකි.
නාරංගල කඳු පන්තිය ආශ්‍රිත ඊළඟට වැදගත්ම තොරතුරු අනාවරණය වන්නේ වළගම්බා රජතුමා පරසතුරු ආක්‍රමණයන් හේතුවෙන් කඳුකරය පුරා ගත කළ කාල පරාසයයි. එය ක්‍රිස්‌තු පූර්ව 105 සිට 89 දක්‌වා දිව යන්නකි. එම වකවානුවේ නාරංගල කඳු වැටියේ දකුණු පස පිහිටි බෝගොඩ විහාරය ආශ්‍රිත ප්‍රදේශයේ රැකවරණය පතා පැමිණි වළගම්බා රජතුමා ඇතුළු පිරිස එහි බොහෝ කාලයක්‌ ගතකළ බවත් එම වකවානුවේදී බෝගොඩ විහාරයේ සිට දෝව රජමහා විහාරය දක්‌වාත්, නාරංගල සමීපයෙහි ඇති බුදුගේ කන්ද විහාරස්ථානය අසල පිහිටි බුදු මුත්තාගල දක්වාත් ලෙන් පද්ධතියක් ගොඩනැඟූ බව ජනප්‍රවාදයේ පවතින අතර ඒවායේ පිවිසුම් මාර්ග අදත් පැහැදිලිව විද්‍යාමාන වේ.
නාරංගල කඳුවැටිය පිළිබඳව ඉතා වැදගත් තොරතුරු රැසක්‌ අනාවරණය වන්නේ 1817 ඔක්‌තොම්බර් සිට 1818 නොවැම්බර් දක්‌වා වසරකට අධික කාලයක්‌ ඇවිලුණු කන්ද උඩරට හා වෙල්ලස්‌සේ නිදහස්‌ අරගලය වකවානුවේ දී ය.
නාරංගල කඳුවැටිය ආසන්නයේ පිහිටා ඇති එම උමං මාර්ග 1817-18 නිදහස්‌ අරගලයේදී සේනා පුහුණුවීම් හා රැස්‌කිරීම් සඳහා මෙන්ම ඔවුන්ගේ රැකවරණය සඳහා ද භාවිත වූ බවට මතයක් ප්‍රදේශවාසීන් අතර මුඛ පරම්පරාගතව පවතී.
නාරංගල කඳු පංතිය ආසන්නයේ, පුරාණ ගම්මාන, ඓතිහාසික විහාරස්‌ථාන, මෙන්ම නොයෙකුත් පුරාවස්‌තු බොහොමයක්‌ දැකිය හැකිය.
'' ගුවන් යානයක අඩි දහස් ගණනක් ඉහළ අහසේ ගමන් කරන අවස්ථාවක එහි කවුලුවෙන් පිටත පහළ බලන විට වළාකුළු රොද පෙනෙන්නාක් මෙන් '' දර්ශනයක් නාරංගල කඳු මුදුනට පිවිසීමෙන් පසු දැක ගත හැකි අතර නාරංගල රාත්‍රී කඳවුරු බඳින්නන්ගේ සුවිශේෂී අවධානය ලබාගත් ස්ථානයකි.
𝙹𝚘𝚒𝚗 𝚠𝚒𝚝𝚑 𝚞𝚜 👇
𝐅𝐚𝐜𝐞𝐛𝐨𝐨𝐤 -: profile.php?...
𝐓𝐢𝐤𝐭𝐨𝐤 -: www.tiktok.com/@travelwithdum...
𝐘𝐨𝐮𝐭𝐮𝐛𝐞 -: / @dumiya5913
🤗 "𝐓𝐫𝐚𝐯𝐞𝐥 𝐖𝐢𝐭𝐡 𝐃𝐮𝐦𝐢𝐲𝐚" 𝗬𝗼𝘂𝘁𝘂𝗯𝗲 නාලිකාව 𝘀𝘂𝗯𝘀𝗰𝗿𝗶𝗯𝗲 කරන්න අමතක කරන්න එපා 🤗
❤️ 𝗗𝗼𝗻'𝘁 𝗳𝗼𝗿𝗴𝗲𝘁 𝘁𝗼 𝗳𝗼𝗹𝗹𝗼𝘄 𝘂𝘀 & 𝘀𝘂𝗯𝘀𝗰𝗿𝗶𝗯𝗲 @𝗧𝗿𝗮𝘃𝗲𝗹𝘄𝗶𝘁𝗵𝗱𝘂𝗺𝗶𝘆𝗮 𝗼𝗻 𝘆𝗼𝘂𝘁𝘂𝗯𝗲 ❤️
- MUSIC -
Song: Ikson - Lights (Vlog No Copyright Music)
Music promoted by Vlog No Copyright Music.
Video Link: • Ikson - Lights (Vlog No Copyright Music)
Song: Ikson - Paradise (Vlog No Copyright Music)
Music promoted by Vlog No Copyright Music.
Video Link: • Ikson - Paradise (Vlog No Copyright M...
Song: LiQWYD - Feel (Vlog No Copyright Music)
Music provided by Vlog No Copyright Music.
Video Link: • LiQWYD - Feel (Vlog No Copyright Music)
𝐓𝐡𝐚𝐧𝐤 𝐲𝐨𝐮 𝐬𝐨 𝐦𝐮𝐜𝐡 𝐟𝐨𝐫 𝐰𝐚𝐭𝐜𝐡𝐢𝐧𝐠.........!
𝐈𝐟 𝐲𝐨𝐮 𝐰𝐚𝐧𝐭 𝐭𝐨 𝐤𝐧𝐨𝐰 𝐦𝐨𝐫𝐞 𝐛𝐞𝐚𝐮𝐭𝐢𝐟𝐮𝐥 𝐭𝐫𝐢𝐩𝐬 𝐥𝐢𝐤𝐞 𝐭𝐡𝐢𝐬, 𝐬𝐮𝐛𝐬𝐜𝐫𝐢𝐛𝐞 𝐭𝐨 𝐨𝐮𝐫 𝐘𝐨𝐮𝐓𝐮𝐛𝐞 𝐜𝐡𝐚𝐧𝐧𝐞𝐥 𝐚𝐧𝐝 𝐩𝐫𝐞𝐬𝐬 𝐭𝐡𝐞 𝐛𝐞𝐥𝐥 𝐛𝐮𝐭𝐭𝐨𝐧 𝐡𝐞𝐫𝐞.
𝐇𝐚𝐯𝐞 𝐚 𝐧𝐢𝐜𝐞 𝐝𝐚𝐲 𝐞𝐯𝐞𝐫𝐲𝐨𝐧𝐞....! 𝐆𝐨𝐨𝐝 𝐋𝐮𝐜𝐤...!!
#narangala #mountains #hiking #camping #badulla #keenakale #travel #travelvlog #ceylon #cloud #srilanka #travelwithdumiya #youtube #fyp
#NoCopyrightMusic #VlogMusic #vlognocopyrightmusic