Бид ер нь үхэл хагацал, жишээ нь салсаны дараах уй гунигт суралцаагүй хүмүүс. Дөлж, өрөвдөж, хаа сайгүй ярьж хөөрхийлнө. Яг эрүүл харьцдаггүй. Ялангуяа "нас барсаны араас уйлдаггүй, хүчтэй бай" гэх мэт үгсээр гашуудах цаг хугацаа эсвэл боломж ч олгодоггүй байх. Энийг тэр болгон хоорондоо ч, нийгмээрээ ч, гэр бүлээрээ ч нээлттэй ярилцдаггүй. Тэгэхээр анхны дугаараараа энэхүү сэдэвийг хөндөж та бүхэн маань "би нээрээ яаж гашуудалаа гаргалаа, дотроо тээгээд яваад тэр нь надад өөр асуудлуудыг бий болгосон уу" эсвэл "эргэн тойрны хэн нэгэн маань дотны хүнээ алдахад, найз маань хайртай хүнээсээ салахад яаж хандаж байв, хань болж чадсан уу эсвэл элдэв хэрэггүй үг хэллэгээр зовоосон уу" гэх мэт асуултууд асууж сэтгэлээсээ нэг өөрөөсөө асууж үзээрэй. Бид бүхэн илүү өөрсдийгөө ойлгож, өөрсдийгөө дүгнэж, өөрсдийн дотоод ертөнцөө сонсож, бусдадтай илүү мэдрэмжтэй хандаж чаддаг байвал нийгэм илүү эрүүл байх боломжтой санагддаг. Манай Podcast-ийн зорилго бол ингэх ёстой тэгэх ёстой гэж заахаас илүүтэйгээр зүгээр таныг энэ сэдэвийн талаар өөр дээрээ нэг бодож үзэж, өөрийн амьдралыг мөчүүдийг санаж, дотоод сэтгэлээ нэг уудлаасай гэж хүсч байна. Үзсэн бүх хүндээ баярлалаа. Өөр сонирхолтой сэдэвүүдийн хүсэлт байвал бичээрэй. Soul-ийг чинь нээж чадна гэж найдаж байна.