*Zehra ki tamanna hai, Shabbeer tera Matam.* *Bakshish ka waseela hai, Shabbeer tera matam.* (1)- Rukne nahi paya tha Jo Hukm se hakim k, Zainab ne kiya tha jo Darbaar mein zalim k, Wo jeet ka nara hai, Shabbeer tera matam. (2)- Karta hai yehi pura masooma k khawbo'n ko, Beshak ye ulat'ta hai chehro'n se nakhabo'n ko, Dushman pay tabarra hai,Shabbeer tera matam.. (3)- Ye hukm-e-mashiyat bhi Aur ajr-e-risalat bhi, Hai iske tawassul se aylaan-e-akheedat bhi, Izhaar-e-Tawalla hai,Shabbeer tera matam.. (4)- Ek hum hi nahi karte izhaar-e-wafadaari Jannat mein malayek bhi karte hain azadaari, Konain mein hota hai, Shabbeer tera matam.. (5)- Har dard-o-alam apna iske hi hawaale hai, Abbas ka parcham hai jo dil ko sambhaale hai, Momin ka Sahara hai, Shabbeer tera matam... (6)- Mehshar k sawalo'n ki kuch fikr nahi humko, Seene mein basaye hain har lamha tere gham ko, Sarmaya-e- Ukhba hai, Shabbeer tera matam... (7)- Tareekh ne aankho se ye barhaa'n dekha hai, Batil ki bhi taqhat se ye ruk nahi sakta hai, Har dour mein hona hai, Shabbeer tera matam... (8)- Azmat ye nahi milti Har ek ko zamane mein, Anmool sharaf hai ye imaa'n k khazane mein, Irfaan ki duniya hai, Shabbeer tera matam. (9) Ye Silsila Duniya mein ta hashr rahe jari, Tufaane hawadis mein bhi hogi azadaari, Zainab ne sikhaya hai,Shabbeer tera matam... (10)- Aye mursal-o-raqim ye qhaliqh ki inayat hai, Zehra ne duaye di kiss auj ki kishmat hai, Takhdeer se paya hai,Shabbeer tera matam...