Odamzodning bu dunyodagi yakkayu yagona, oliy vazifasi- oʻz Taqdirini roʻyobga chiqarishga erishuvidir...
Barcha odamlar yoshlik paytlarida oʻz taqdirlarini biladilar... Ammo fursat oʻtishi bilan sirli bir kuch ularni oʻz Taqdirlarini roʻyobga chiqarish imkonsiz ekanligiga ishontira boradi.
Bu sirli qudrat inson zotiga gʻanimday tuyuladi, aslida esa oʻz taqdirini qanday roʻyobga chiqarish Yoʻlini xuddi ana shu qudrat koʻrsatib beradi. U insonnig ruhini va erkini oʻsha buyuk vazifaga tayyorlaydi. Bu kurrai zaminda oliy bir haqiqat mavjud : qachonki sen nimanidir astoydil istasang, albatta unga erishasan, chunki bunday istak Olamning Ruhida dunyoga kelgan boʻladi. Sen yer yuzida xuddi ana shuning uchun yaratilgansan.
"Alkimyogar" romani zamiridagi ushbu hikmat oʻtmishdagi oʻtgan yoxud rivoyat qahramoni boʻlgan kimningdir hayotigagina taaluqli emas, bu sizu biz uchun ham, bizdan keyingilar uchun ham oʻtilajak Yoʻldir. Balki bugun bu kitobning dunyodagi 120 mamlakatda sevib oʻqilayotgani ham, Paulo Koeloning dunyoning eng mashhur yozuvchisiga aylangani ham bejiz emasdir.
"Alkimyogar" haqida gapirganda Richard Baxning "Jonatan ismli chagʻalay", "Tasavvurlar" yoki Ekzyuperining "Kichik shahzoda" singari ertak-rivoyatlarini eslamaslikning sira ham iloji yoʻq. Ammo "Alkimyogar" ularning hech biriga oʻxshamaydi.
Audio kitobni telegram sahifamizdan yuklab oling: t.me/Ilmparvar_kutubxonasi
#ilmparvar #audiokitob #audiomutolaa #ilmparvar_kutubxonasi