والله نفس حكايتي تزوجت مع واحد كيفو خاين خداع موسوس قعدت معه ف فوضوي وكي دا السكنة رآه طلقني ويخرج فيا من الدار ...ختي نستعرف بيك مرا قوية وربي يخلولك خاوتك الرجالة💪

اليد اللي شايدا التلفون ان شالله تمس الكعبة وان شالله ماتمس شر حطلي آبوني فطريقك ربي يفرحك ويحققلك وش تتمنى راني دعيتلك من قلبي ❤️ 🤲🏻 ربي يحفظلك فالوالدة ديالك راني دعيتلك بالأم الغالية ♥️ أنا يتيمة دعاءي مستجاب

والله الحقيقة تقال ونعم الزوجة جمال ودين وتربية راهي جارتي جامي شفت عليها حاجة مشي مليحة وولادها مشاء الله ربي ياخد الحق هدا مانقول وربي يقويك يارب

يا الصحفية شوية احترام للناس وين زادمة بالسباط في دار الناس بلا كورونا عليك و تخلو الاحذية عند الباب !!! واش من تربية و احترام

الصحافية نظيفة بزاااااااف، دخلت فوق الزربية بسباطها، لا سلام ولا كلام

ربي معاك أختي الكريمة لأنك على حق حسبي الله ونعم الوكيل ربي هوالمنتقم الجبار

ههههههه قتلتونا بكلمة جزائري شهم وفحل ووو ياو اغلبية جزائرين ولاد حرام ياو بنات حلال وولاد حلال راهم قلال في هاذ بلاد ربي يهدينا ويهديهم

ماكاش واحدة تلقى الخير مع راجلها وتطلب الطلاق الحمدلله القاضي يسمع من الطرفين

انا نقول واحد الحاجة قبل مانسمع غادي نهدر الحل عند صاحب الحق و الإنسان عنده اللسان لحمة يلوي كما يحب لهذا لا نحكم على الناس هكذا ربي يهدي ما خلق

ان شاء الله بعد ربع ساعه راح يتصل بيك انسان غالي وعزيز عليك ويفرحك ويبشرك بخبر تبكي من الفرحة اللي دخل و اعملي اشتراك ابوني واللي جاتو ثقيلة راه مسامح

بالعاني حاب يدخلها للملاهي باه يصورها و يغلبها في دار الشرع ويدي الحضانة على أساس ياماهم العاهرة وتاع ملاهي وهكذا يسترجع البيت تاعو لأن الحضانة ترجع ليه وثاني حاجة يماه كي علابالها بالي مريض علاه زوجتو و تباصي في بنات ناس بمهبول تاعها

كلا الطرفين متناقضين في هدرتهم وحكايتهم متتصدقش بالاخص في مجتمعنا هو حكى الحكاية وزاد فيها وهي بعد مشافت الحصة وقبل مايديرو معاها الحصة وجدت روحها وزادت في حكايتها في زوج ربي يهديهم

نصيحة ماتخرجيش من الدار ...قادر يكريلك عام ومنبعد يحبس مايخلصش و يحاوزك مول الدار...الدار من حق ولادك و انت عيشي مع ولادك

حتا وحدة متلقى لهنا وتهرب منو عن تجربه وليه ديما محقورة حتى ولو كانت قويه ربي معاك اختي كي ميلقاوش قاع سبه يقذف في عرض وشرف حسبي الله ونعم. وكيل

نحن في زمن يصدق فيه الكاذب ويكذب فيه صادق الله يهدينا ويحسن خاتمتنا

ربي يعوضها خير في، ولادها مسكينة

كاين بزاف من هذا نوع منع رجال ربي يقدرك على تربية اولاد و دارك متسمحيش فيها كون جا راجل ميخرجش ولادو و يحب يدي دار كوني مراة و ربي ولادك يكبرو تصيبيهم

بق في دارك متخرجيش منه لكري مشي حل ليك هدي دار ولادك هو يدبر علي روحك اخت انا ام كريم وربي معاك

انا مافهمتش حاجه علاه كبير تشوفوا ملول راجل مايتعاشرش تروحو تزيد. معاه بثلاثه باربعه اونبعد تحصلي. وحدك بدراري ياختي ملول ديري طفل واحد ولا قدرتي ماديريش كامل هكدا زيدي تعرفي راجلك مليح ممليح ويلا كان ما يتعاشرش كي تولي لداركم ولي براسك

كلامها متناقض بانتلي راهي تكذب كي هو هدر عليها هي تان حبت توسخلو السمعة تاعو هدرت حاجات ماشي منطقية ربي يهدي ما خلق

هذه الصحفية تنطق بكلام بدون ما تحسبله، مثل " يا يقتلها يا...." واش راكي تشجعي يا مدام؟؟؟؟

قصة فيها اللوش، أنا تبانلي في زوج كذابين والله أعلم، كشفتو رواحكم ، والأطفال مساكين هما الضحية .

إنه الذل و ليس الصبر !! إنذلت المسكينة فكان أن طغى عليها الوحش و قهرها . أطالب بالفحص السيكولوجي قبل الزواج لان هناك الكثيرين من المرضى النفسين والمكبوتين يتزوجون و تكون النهاية مؤساوية !

مبقاش زواج في الجزائر لي معايا يخبط جام

ناسف كثيرا للخوض في المشاكل الاسرية على الفضاءيات.الطلاق هو الحل و يبقى الاحترام بين الطرفين مطلوب حتى يكبر الأطفال في جو سليم.الله يهدينا.

صراحة مام انا شكيت فراجل كي صرح حسيت نوع من كذب و هدا راجل نرجسي و ختي انا وحده من ناس راني معاك و ماتسمحيش فحقك و طلبي بيه الاخير والا ضطر بيك امر شوفي جمعيات و ناس لخير يعاونوك و ربي يستر عليك و على ولادك

لي يروح يخطب قاصر تعرفيه بلي مريض، وكيفاش يزوجوك صغيرة يماك اسمحيلي عقلية بكري شغل نتهنى منها

متخرجيش من الدار واخدمي على ولادك وكبريهم وخاوتك فكتافك الحمد الله ولي فيه الخير ربي يجيبو وهو ربي يهديه بهدل بروحو وكشف سرو

انا غادوني هاد الدراري كي يكبرو ويلقاو حكايتهم فتيليفيزوين ماشي حق عليكم لي عندو مشكل ايدير تبهديل هي من حقها تطلق ماشي بسيف عليها تحمل هبالوا

صح كائن منها انا زوجي يضربني ولا يصرف على اولاده ويتهمني ويهدر فيا وموسوس وهو لباس عليه والله العظيم غنفس حكايتي لكن أنا مزال نعاني وراني لحد الان في الذل والإهانة لانني اؤمن بان الله يمهل ولا يهمل وانه قضاء الله في الابتلاء بهذا الزوج والحمد لله ادعولي يا اخوتي في الإيمان أن يفك سحره ويحنن قلبه على اولاده وعليا لاني لا اريد أن افرق بين زوجي وأولاده

حبيت نوجه نصيحة للصحفية..راكي الله يبارك صحفية و مقدمة برنامج و يشوفك 40مليون جزائري حاولي متستفزيش الضيوف دياولك و حاولي تسقمي لباسك خاطر راكي قديمة بزاااف بزاااف بزاااف 😒😒

خوتي سمعت الحكاية من رجل وسمعتها من مراة الاتهامة متبدله بين طرفين لكن رغما خطورة الاتهام متبدلة. زوج يطعن في شرف زوجته وزوجة نفس الشيء يعني كرثه لكن حتى واحد مقدم دليل يقنع به المشاهدين ويثبت به صحة أقوله هنا انا نقول كي اوصلتو فضاءحكم في تلفزة مبقى ولو في هدا الدنيا ونقول صح كاين مشكل سواء السباب الرجل او المرأة لكن الحقيقة غاءبة بين زوج كانو يكدبو هي تقول حبة حلوى ميجبهش لولاد او هو يقول احكمتها في الهاتف عندها علاقة واستعرفتلي لكن رجعتها قلت بلاك تسقم روحها اختي انا نسقسيك الى كيما تقولي حبة حلوى ميشريهاش اولادو بش كنتو عايشين ولا دركم زوجوك بش يخدمو عليكم قلتي فوقره اخي الى كان صح احكمتها مع شخص في دردشة في الهاتف علاش رجعتها كنت تطلقها على اقل او تشكي بيها لانها البدية نتع خيانة زوجية لا أنا نديرهم بين زوج غلطين وكان على القناة توجهكم بين زوج القاضي يسمع من زوج ام كل وحد وحدو الحقيقة متوصلولهاش أبدا وتليفون ره خراب الف العاءلة لي وصلو الى الطلاق بسببه

عِندما يؤلمكَ سن من أسنَانك ؛ ومن شِدة الألم يُصبح همّكَ الوحيد هو قَلعه ، وعِندما يَتم قلعه ؛ لا شعورياً يُصبح لِسانك طوال الوقت يَتجه إلى ذلك الفراغ الذي تَركه السن ، بِمعنى أقوى وأفصَح أنه تَرك فراغاً وأصبحت تفتَقده . . غالباً ما يأخُذ وقتاً طَويلاً لِتتعود على هذا الفراغ ولكنكَ ستتعود وتسأل نَفسك ؛ هل كان يَجب عليكَ قلعه ! فتقول : نعم كان يَجب ذلك لأنه كان يُسبب لكَ ألماً ووجَعاً فظيعاً ؛ هكَذا هُم بعَض الأشخَاص في حياتنا وبَعض المواقف تُجبركَ على التخلّي عنهَم وتُكمل حياتكَ بِدونهم ، رغُم أنهم كانوا مصَدر سعَادتك يوماً ما . . صحيح سَيتركون فراغاً في حياتكَ ، ولكن يَكفي أنه لَم يعد هُناك ألم أو وجع..

المرأة: منرجـعش ليه الصحفية: حاولي ترجعي 🤦🏻‍♀️ المرأة: مستحيل نولي معاه الصحفية: الصلح علاجال الولاد 🤦🏻‍♀️🤦🏻‍♀️ يااااا ربي 🤷🏻‍♀️

سبحان الله تحسب وهران غير نتاع الفساد الله يهديكم ....اولاد وهران ناس الوقر و الحشمة وهران راهي معمرة بالبرانية لي حب يغضب الله تعالي يدخل وهران.......صدقوا لي قالوا بكري وهران تولي مسرح للرعيان...مشاكلكم خلوهم في دياركم كشفتونا و حشمتونا كل شي تحكوه زعما مسلمين الله يهديكم

متخرجيش من المنزل على بلك بلي الدار من حقك لخطرش عندك ٣ اطفال و ذهب الى المحكمة و استفسري الامر وربي اقدرك عليه وبلكي تخرجي من الدار عندك الحق في الدار وكثري من قيام اليل وادعي الى الله اقويك و ينصرك عليه انشاء الله

14 سنة هبال و الله حتي 16 سنة واش تقارع منها مزالها،طفلة وعقلية صغيرة ولكن غلطة منك واش داك تتزوجي المهم ربي يفرج عليك واءنا مانيش مع لي يحقروا طفلات ماشي رجولية

بصح يا صحفية يا ايتها القناة المتخلفة ...ماجيبوش بينا الوقت تحقققو من القصص قبل ماتعرضوها علينا...كان لازم تتاكدو من كلامه اذا صع قبل عرضه للمشاهد هذا قذف مش لعب ...حتى انتم قادر ترفع عليكم قضية

قالت. انوا عندوا مسكن مع العائلة.... علاش سكنتي في الفوضوي... اكيد الهدف هو الحصول علي منزل اجتماعي... راكي تقولي عندك خاوتك... وين كانوا 12 سنة هدي... كيفاش قبلوا علي ختعم الذل... راكي تقولي انك ما تحبيهش... علاش زدت ولدتي... الحكاية كلها كذب في كذب... لا يصرف لا يخدم... علاش قعدتي و قلتي... خلاص جبت وش حبيت... و الله علاش بهدلتوا بأطفالكم... انت و زوجك خطيرين بزاف... بصح انت قادرة بزاف... قدرتي علي رجل متل هدا

قولو مرآة تضامن مع مرآة ولكن في الحقيقة الوحيدة في هذا الزمان رجل في الدار غير عكس ما يكون خارج المنزل تهلي في الولادك والله يكون في عونك إنشاء الله وفرج همك يارب العالمين

للبيوت اسرار وعلاش عليكم التبهدايل هذو حلو مشاكلكم بيناتكم لاه تنشرو ف فضايحكم للناس عجب 😥 الله يهدينا

في بداية كلامه باين بلي عاي لو كان إنسان سوي و لو كان كلامه صحيح لطلقك في أول الأمر أتضامن معك أختي الكريمة وفقك الله و اتهلي في صحتك الرجال تاع هذا الوقت عايين و لا أعمم

انا أصلا المرأة مانآمنهاش وماتلعبيهاش تبرأي في روحك انتوما أصلا تحبو الزنقة وتحبو الحرية الله لايربحكم رجعتو ماتحبوش الدار وتربية الاولاد وقاعدة تكذبي عليه وديري فيه دعايات يدخلك للملهى هادي الهدرة ماتدخلش الراس كامل ودك كي فرج عليك ربي سبحانو بسكنة حابيتي ترميلو الما اه يا النسا كيدكن عظيم تاع الصح

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ ۚ وَاللَّهُ يَعْلَمُ وَأَنتُمْ لَا تَعْلَمُونَ (19

ما يستنتج من هذه الحكاية كلمتها : ما حبيتوش ولو يوم واحد سبحان الله بعد ما انجبت منه ثلاث اولاد ربي يجيب الخير

سلام عليكم مشاء الله تبارك الله عليك امرأة صالحة ربي يحفظك اختي اللهم ارزقنا امرأة صالحة يارب العالمين

انا مافهمتش هادو القنوات. واش دخلهم فمشاكل الناس يزيدو يخلوها كتر من ما راهي مخلية اللهم استرنا فوق الأرض وتحت الأرض ويوم العرض عليك 😭

Courage madame. Restes chez toi. L'appartement c'est pour tes enfants. Votre ex est malade. Je vous souhaite beaucoup de courage pour la suite. Que dieu soit avec toi. Amine

الصحافية ماتعرفش تهدر قالتلها كانواحد يحكم مرتو تهدر في التيليفون مع واحد اخر يقتلها !!!!!!! وقالتلها كي فسختي الفاتحة كي كان عمرك 14 ماكانش عندك اولاد ؟. واش بيك ماتخمميش ولا ماتفهميش ؟؟؟؟؟

الحاجة الاولى كيفاش من جهة راجل يغير على مرتو مايخليها تدوش مايخليها تكحل و من جهة يديها للملهى يقوللها اشطحي في وسط الناس. و الحاجة الثانية خاوتها لي كانو معاه كي لقاها علاه ماهدروش ياخي قاللك كانو يحوسو معايا علاه درك مجاوش يدافعو على ختهم

خوتي ادعو لبابا برحمة ربي يجزيكم

الله يلطف عقلي راح حسبنا الله ونعم الوكيل من كل ذكر عذب مرأة بصراحة الزواج أصبح خلايع يالاطيف ألطف أعترف لايوجد أمان اصبحت بنت فاميلة كنز وكلمة راجل أيضا كنز كبير لاحول ولاقوة إلا بالله

Comment ont peut marier une fille a 16 ans n'importe quoi

تكلم رياض امنتو و تكلمت طليقته امنتها تسما انا لي راني نكذب ايا ماخاسنيش 🤕

Une très belle journaliste sans maquillages

متخرجيش من الدار تسمري فيها مايحشيلكش وكي يعطيك دراهم لكرا طحلك 6000da ولكرا راه العام ب30مليوم ولا كثر تسمى شهر تخلصي 25 حتى ثلت ملاين هوا يتهارد نتي راكي بثلاثة دراري متخرجيش متشرديش ولادك راهم في سن بزاف واعر وربي يجيبلك الخير والثبات ياااااااااااااااااااااااااااااااااارب

سبحااااان الله والله العظيم غير تقول تحكي عليا نفس حياتي لي راني عايشتها الفرق بيني وبينها أنها هي تخلصت منو وانا مزلت معاه ومزلت نعااااني وانا واولادي وانا لكان نحاول نبعد عليه يسمطلي معيشتي أكثر من راني ذرك المهم ادعولي ربي يسلكني

هذا سيناريوا مفبرك الزوج مهما كان لا ياخذ زوجته الى الملهى ابدا انا كزوج لا اصدق هذا الكلام الخاص بالملهى اصدق الضرب اصدق الغيرة اصدق التوسويس هذا ممكن لكن الملهى غير صحيح

okhti fait attention la partement c’est ton droit et pour t’es enfants hadik hakak balaki ta kabli elkirae il vas te laisser tomber après tu vas te retrouver avec tes enfants dehors j’ai vu beaucoup des femmes qui sont maintenant des des situations difficiles 😥 je vais prier 🙏🏽 pour toi madame pour que tu reste dans ton appartement avec t’es petits inchallah rabbit te protège de ce pervers .🙏🏽

الله غالب مسكين مريض رب اشافيه وانت رب اكون معاك والله صعيب تتزوج مع واحد موسوس

هاديك نجية تنوضلي الڨرون مين نشوفها قال لمرتو ندخلو للكاباري و زادتنا اسمحولي علا هاد المصطلح ومين ردختيها علاه نسمحولك

Madame c'est normale d avoir 3 gosses avec un.homme pareil hein ??!!

يا اخت المنزل مشي نتعو الدولة او القضاء يرجعولك على أسمك وهد حقك دار مشرهاش من فلوسو متلكم المتر في الجزائر وهدي غلط انتع الدولة علاش يدرو في أسم الرجول فالوجب يدرو اسم السيدة وسيد ...... وهكدا يكون العدل. الله يكون معاك يبنت الناس متلو. بزاف هدا. مريض

هذا الإنسان محبيتهش جبتي معاه ثلاثه أطفال و خليتهم يعيشو في الجحيم اطلبي السماح من أولادك و خليهم يتعالجون نفسيا ربي يسامحكم متصلحش تكونوا والدين حرام عليكم

حليك عينيك تخرج من الدار اختي هذا ماشي راجل طحان ميسواش حبة بصل ما تسمحيش في حقك ربي معاك والعبد معاك

غاضتني لمرى هادي و دراري هاوك هوما الضحية الله يهديه السيد هادا

تزوج بنتك 14 ans هاذا اغتصاب اولا السبب هم الوالدين لانك طفلة صغيرة مش مهيءة تاخذي قرارات مثل قرار الزواج 14 سنة تعيشي طفولتك اللعب القراءة السفر مع الاولياء.....الخ مش الزواج مجتمع اعيف

انا الى ما فهمتهش من الصحافة عريتو البيوت الجزائرية وراكو تنشرو فالشر كثر من الخير اوصانا سيد الخلق اخبار الشر لا تنشر وصحافية نتاع الحصة خصك تترباي من قلة الادب تديري كراع فوق كراع حتارمي المهنة وحتارمي روحك الله يهديك بهدلتونا كل مرة تجيبو هم خاصنا حصص راقية

نستعرف بيك مرأة فحلة ربي اقدرك على تربية اولادك راحت البال والصحة ماتشريهاش بمال الدنيا والله عندك شخصية قوية ماشاء الله عليك وبإذن الله مع ليام تنساي وخاصة كي تشوفي اولادك يكبرو وينجحو بربي ان شاء الله في قرايتهم وحياتك ربي اقدرك على كلش

با لاك تخرج وتخليله دار بالاكي راه واعر بدلي كادنة نشالله ربي مايخليكش ربي معاك ختي

كيفاه تنصحي فيها ترجعلو وتصبر على جال ولادها؟ بلعكس كون ترجعلو ولادها يضيعو أكثر ويمرضو نفسانيا ويبقى الكبت فيهم لا يستطيعون حتى تكوين علاقات اجتماعية و يبقى الخوف مسيطر عليهم وبدون شخصية ....هذا هو ردكم دائما على المرأة المهانة (حتشي اصبري على جال ولادك) وعلاه هي ماشي بنادم؟ الزواج مودة ورحمة

كورونا ودخلت بصباطها لدار الناس وبلا كمامة والله ماتفهم والو راسي حبس

نغلط الناس لي تشارك و تحكي في اسرارها امام الملىء .عندكم مشكل المحكمة مفتوحة ادا لم تجدوا الحل

روحو ديرو حصص على الناس لي راهي تعاني في البيوت الفوضوية يعانو في الشتاء والبرد خلونا من عذو الحصص التافهين

يا شحال من رجال كانو القميص و اللحية و قال ربي قال الرسول وهما خربينها يتخباو وراء الدين نفس الشئ للنساء شوهو الدين ربي يهديهم و يهدينا وان شالله ربي يكون معاها

والله كي قريت العنوان حسبتهم يهدرو على طليقه رياض محرز

القنوات الجزائرية اذا عمرك ما دخلت لكباري هوما لي رايح يجيبو لك لكباري لدار

اختي ماتخرجيش من الدار هذيك الدار تع الدراري ماشي تاعوا بش يعاود الزواج فيها وماشي من حق المرأة بش تتزوح فيهاهي باش تجيب اجنبي ويسكن فيها هذي دار الاولاد خقهم بش يتلموا شملهم فالدار ومايتشردوش الشارع حب يعاود الزواج يروح يعاود حياتوا ويعاود دار جديدة

شبعت ميزيرية معاه في لبرارك سوفرات مع ولادها مع لخر يقوللها اخرجي من داري وهادو الي معاها ماشي ولادك حرام عليك نعرفها هاد المخلوقة ماشاء الله متربية ومن عائلة شريفة وصح راه خرجها مسكينة من الدار وراهي كارية مع وليداتها لوكان جاء راجل يصرا واش يصرا بين مرتو مايجيش يفضح روحو قدام العالم قاع مهما يكون يستر ربي يهديه

أريد افهم شئ مهم لمادا كلما تقع مشاكل زوجية تضعو اللوم على عاتق الزوج.لمادا الزوجة تضعيها في خانة البريئة ومحقورة ومسكينة وووووووو.والحقيقة هي العكس.الرجل دائماً متهوم وهو حقه ضائع.حبيتو المرأة تحطوها ملاك على وجه الأرض والحقيقة معاكسة.الصادق يكذب والكاذب يصدق هده هي حيتنا انصفو الرجل وقولوا الحقائق.

انا غادي نعطيك نصيحة بقاي في دارك مع ولادك مهما كان الظروف

شكون لي راهو يقول صح ربي لي يعلم بالنسبة للزوج كامل واش شفت في مرتك و ما طلقتهاش مرتك تهدر في تيلفون مع الرجال نحات جلباب راحت تونس وما طلقتهاش و بالنسبة للزوجة نهار لي قالك نحي جلباب و أرواحي ندخلو كباري واش قعدك مع هذا الرجل لازم يعملو تحريات باش يعرفو شكون لي راه يكذب

المرأة الجزائرية قبل ما تزوج تطلب من ربي راجل برك و كي تزوج تطلب من الراجل واش ما طلبتش من ربي

ربي اقدرك ختي لحقت البنت ماعندهاش صبات باه تروح تقراي وتتبادل مع خوها و اقولك انا نحب اولادي . تاخيير الزامااان لي مايوقف مع مرتو و اولاردو تخرج فيه دنياا قبل لاخرى .عين الرحمان لا تنام

ما تخرجيش تما يموت قاسي

هذا زواج ول حرب ؟؟ الي نعرفو الراجل يحوط مرتو ويحميها ويشوف طلباتها وهي تطيعه وتحترمه وتحافظ علي دارها ووالدها بصح هاذو عديان وين الموده والرحمه وين امساك بمعروف او تسريح باحسان استغفر الله العظيم سبحان الله

ياك كي تتزوجي صغيرة ميعقدولكس في سن 16 حتان تولي في عمرك 18 سنة وباش تعقدي ونتي علاش شفتي روحاك يظرب فيك علاش جبتي معاه لولاد راكم غالطين في زوج وخلاص وربي دار زواج ودار الطلاق ولكن انتي تاني غالطة سيد طلقك وخلاص عندو الحق باش يشوف ولادو وخلاص اكيد هو موسوس

متخرجيش من الدار بالكي يكلخلك بلكرا من حقك هذيك الدار عندك 3أطفال هذا باين معندوش ضمير ولا أخلاق خاطر لوكان تخرجي يكرلك عام ولا عامين وميزيدش يحوس عليك تقعدي من دار إلى دار 3أطفال والمجتمع تاعنا ميرحمش والله يا أختي إنسان كما هذا لازم متخرجيش من دارك والله غير يبعها ومتزديش تشوفيه هذا كي كنتي معاه مرحمكش تحوسي دوك إنشاء الله تقري تعليقي يا أختي ربي معاك

يبوسلي في رجليا قالتها 1000 مرة

هذا شخص مريض نفسي نرجسي بسيكوبات الله ياخذ فيه الحق .ربي يفرج عليك اختي ويفرج على كل وليه مغبونه .

كنت قابلة بالسيات ديالو و جبتو الاولاد ،خلاص ،وباينة فرغت ، الحياة الزوجية بيناتكم هدا زمان وانت قبلت الدل و بقيتي معاه ، قصة deja vu

سمعت هو واش قال و سمعت هي باينة هو كذاب من هدرتو باين موسوس و مريض نفسي عندو تناقض في هدرتو و هي باينة محقورة و بنسبا لناس الي راهي تعرق فليكومنتار شعب مريض بناس صحفية قابلة بروحها طبيعيا اذا لبسو لعريان و دارو مكياج تقولو علاه و اذا جات ناتورال تقولو علاه شعب مريض

اللهم استرنا فوق الأرض واسترنا تحت الأرض واسترنا يوم العرض .

اذا صح واش راكي تحكي يعطيه ضربة ان شاء الله حسبنا الله ونعمه الوكيل فيه

الراجل دايما معاه الحق . ضالم والا مظلوم ..

تعيش و قولولي واش من نهار واش من وقت تفوت هاذ الحصة

متخرجيش من الدار ربي معاك

كنت تطلقوا من الوهلة الأولى متخلوش الأمر يكبر رب طلاق ناجح خيرمن زواج فاشل

كي تسمع هو تقول راه يهدر في الصح كي هدرت هيا تقول هيا الصح ماتفهم والو ربي ليجيب الخير

ما دخلتش في راسي الحكاية تاع الكاباري😒😒😒😒😒😒 بما انك عمرك ما حبيتيه donc عندو الحق واش كان يهدر؟؟؟ و تعرفي ديري ليسيناريو قلبتي ڨاع القفة عليه surtout الحكاية تاع البوسعادية ما تدخلش المخ و الله اعلم