Рет қаралды 139,508
#1000production #trend #birivar
Videoda YENİ TV yutub kanalındakı videomaterillardan ( • Metanet İsgenderli-S... ) istifadə edilmişdir.
Videoda Sebuhi Eliyev yutub kanalındakı videomateriallardan ( • Video ) istifadə edilmişdir.
İzaholunmaz şeylər yaranırsa, yaşayırsa, bu proses bəşəriyyətin ömrünü uzadır. O da səsindəki yanğıyla bəşəriyyətin ömrünü uzadır. Çünki o yanğını da sözlə ifadə etmək olmur. Onun səsindən danışmaq istəyəndə yalnız əlimizi əlimizə sürtüb susa bilərik, uzaqlara baxa bilərik. Bəzilərinə fərqli görünə bilər, amma bizim nəslin insanları üçün "onun adı eşq"dir. Biri var, Sadəcə Mətanət İsgəndərli...
Mətanət Məhəmmədəli qızı İsgəndərli 14 iyun, 1963-cü ildə anadan olub. Orta məktəbi bitirdikdən sonra Əfsər Cavanşirovun rəhbərlik etdiyi "Bənövşə" xorunda oxuyub.
1994-cü ildə "Sən ol mənim həmdəmim" adlı ilk albomu işıq üzü görüb. Bu günə qədər 11 kompakt diski buraxılıb. Xarici ölkələrdə solo-konsertlərlə çıxış edib. 1998-ci ildə Heydər Əliyev adına Sarayda ikigünlük konsert verib.
“Gecədən sübhədək”, “Solma gülüm”, “Mənim adım eşq”, “Toxunmayın”, “Gecələr” kimi məşhur mahnıları ifa edib.
Mətanət İsgəndərli 80-ci illərin sonunda, 18 yaşında ikən polis işçisi olan Oruc Həmidov adlı şəxslə ailə həyatı qurub. Bir-birlərini sevən cütlüyün bu evlilikdən Ülkər və Kərim adlı övladları dünyaya gəlib. Lakin onların evliliyi uzun sürməyib. Sənətçi ailə qurandan on il sonra ailəsində yaranan söz-söhbətlərdən, məişət problemlərindən bezib həyat yoldaşından ayrılaraq müğənnilik fəaliyyətinə başlayıb. Müsahibələrinin birində müğənni evliliyi haqqında danışarkən deyir:
“Əlbəttə, onu sevmişəm, balalarımın atası idi, göz açıb onu görmüşdüm. Uzaq qohum idik. Evlənəndə bir-birimizi heç görməmişdik. Nişandan dörd ay sonra görüşdük. Sonradan onu çox sevdim. Qısqanırdım, dəli kimi olurdum. Amma kənardan onu çox doldururdular. Gəlirdi, bütün hirsini mənim üstümə tökürdü, məni döyürdü. Bacım hər dəfə bizə gələndə görürdü, üzüm, gözüm göyərib, ağzım partlayıb. Amma mən yoldaşıma hər şeyi halal etmişəm. Çünki o məni balası kimi çox istəyirdi, heç kimə gücü çatmırdı, hirsini mənim üstümə gəlib tökürdü, gücü mənə çatırdı. O vaxt yağ tapılmırdı. Atam evinə gedəndə, mənə deyirdilər ki, götür uşaqlarını da get, evinə. Çünki o vaxt bizə elə tərbiyə vermişdilər ki, ər evindəki problemləri valideynlərimizə deyə bilməzdik. Onlara deyə bilmirdim ki, mən dərddən, uşaqlarımın aclığından onların yanına gəlmişəm. Mənim uşaqlarım ac idi, ona görə gedirdim atamgilə. Elə olurdu ki, atamdan, anamdan gizlin onların soyuducusundan balalarım üçün ət oğurlayıb aparırdım. Utanırdım onlara deyim ki, mənim uşaqlarım acdır. Mən uşaqlarımı supla böyütmüşəm. Əlimə bir damcı ət düşəndə, ona dəymirdim, balaca küftələr edib atırdım supun içinə ki, supun dadı olsun, uşaqlar heç olmasa, ət yesin. Uşaqlarım xəstələnəndə, qorxurdum, elə bilirdim ki, onlar xəstələnən kimi öləcəklər. Hətta kənara essensiya da qoymuşdum ki, uşaqlarıma nəsə olsa, özümü öldürüm”.
2014-cü ildə müğənninin keçmiş həyat yoldaşı şəkər xəstəliyindən vəfat edir. Mətanət xanım onun barəsində danışarkən deyir:
“Məclisə dəvət edilməmişdim, jurnalist dostlarla konsertə gedirdik. Dedilər, ad günündə çəkiliş edək sonra. Mənim də Fatimə Fətəliyevaya hörmətim var. İstədim onu təbrik edim. Mətanət xanım məni dəhlizdə görüb dedi, çıxarın onu buradan. Elə bil düşmənəm, cangüdən də çağırdılar”.
Kulis.az saytı yazır ki, deyilənlərə görə, müğənninin keçmiş həyat yoldaşı vəfat etməzdən bir müddət əvvəl mətbuata açıqlamasında müğənninin zərərli vərdişlərdən əziyyət çəkdiyinə eyham vurub:
"Mən Mətanəti evdən onun hərəkətlərinə dözə bilmədiyim üçün qovmuşam. O zaman Mətanət müğənni deyildi, amma hər evə gələndə gözləri parıldayır və ağzından konyak iyi gəlirdi".
Sənətçinin bacısı, eyni zamanda köməkçisi olan Təranə İsgəndərli bu məsələyə belə münasibət bildirib:
"Azərbaycan xalqı uzun illərdir ki, Mətanət İsgəndərlini tanıyır. O, xalqın gözü qarşısındadır. Narkoman olsa, bunu hamı bilər. Xəbər yalan olduğu üçün, bizi o qədər də qıcıqlandırmır".
Hazırda Azərbaycan Dövlət Televiziya və Radio Qapalı Səhmdar Cəmiyyətində solist-vokalçı kimi çalışır. 16 sentyabr, 2006-cı ildə Azərbaycanın Əməkdar artisti adına layiq görülüb.
Mətanət İsgəndərli Azərbaycanda barmaqsayı müğənnilərdəndir ki, onun səsini 7 üfiq uzaqdan da tanımaq olur. Səsindəki yanğı, özünəmxsusluq heç kəsdə yoxdur.
Məsələ təkcə onun səsində də deyil. Xüsusən də son mahnılarını ifa edən zaman üzündə çox uzaq bir təbəssüm peyda olur; sanki bir bildiyi var, heç kəsin o şeydən xəbəri yoxdur! Sanki, desə də, heç kəs anlayan deyil. Elə bil, mahnılarıyla bizi aparmaq istədiyi yerlərin kədərini daşıyır gözlərində. Sirat körpüsüdü o baxışlar - burayla Mətanətin dünyası arasında!