Рет қаралды 465,802
၁၀၂၇ စစ်ဆင်ရေး မန္တလေးတိုင်းထဲရောက်လာ ( ရုပ်/သံ )
ဇော်မြတ်ခန့်၊ ဇူလိုင် ၂၊ ၂၀၂၄
ရှမ်းပြည်နယ်မြောက်ပိုင်းမှာ တကြော့ပြန် စစ်ဆင်ရေး ပြုလုပ်နေတဲ့ ၁၀၂၇ စစ်ဆင်ရေး အပိုင်း ၂ ဟာ မန္တလေးတိုင်း၊ မတ္တရာမြို့နယ်ထဲအထိရောက်ရှိသွားပြီ ဖြစ်ပါတယ်။
၁၀၂၇ စစ်ဆင်ရေးနဲ့အတူ အမျိုးသားညီညွတ်ရေးအစိုးရ (NUG) လက်အောက်ခံ ပြည်သူ့ကာကွယ်ရေးတပ်ဖွဲ့ (PDF) တပ်တွေဟာ မန္တလေးတိုင်းအတွင်းမှာ စစ်ဆင်ရေးတွေ ဟန်ချက်ညီညီဖော်ဆောင်နေပြီး အောင်ပွဲတွေရရှိနေတယ်လို့ ဇွန်လ ၂၆ ရက်နေ့မှာ NUG က ထုတ်ပြန်ထားပါတယ်။
မန္တလေးတိုင်းအတွင်း စစ်ဆင်ရေးတွေကို မန္တလေးပြည်သူ့ကာကွယ်ရေးတပ်မတော် (MDY-PDF) က ဦးဆောင်နေတာဖြစ်ပြီး ဒေသတွင်း PDF အဖွဲ့တွေလည်း ပူးပေါင်းပါဝင် တိုက်ခိုက်နေတာြဖစ်ပါတယ်။
မန္တလေးတိုင်းအတွင်းမှာရှိတဲ့ မတ္တရာမြို့ဟာ မန္တလေးမြို့နဲ့ ၂၁ မိုင်သာကွာဝေးပြီး ဒီမြို့ဟာ မန္တလေးမြို့ရဲ့ စစ်ရေးဝင်ပေါက်တွေထဲက တခုဖြစ်တယ်လို့ မြေပြင်စစ်ရေးသင်းရင်းမြစ်တွေက ပြောပါတယ်။
စစ်တပ်ကလည်း မတ္တရာမြို့ကျမသွားရေးအတွက် စစ်ရေးပြင်ဆင်မှုတွေ လုပ်ဆောင်နေတာတွေ့ရပါတယ်။
-----------------------------------------------------------
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: bit.ly/3btQYpR