黃洛妍（Janees），周一才慶祝廿六歲生日，已是薩爾斯堡莫扎特音樂大學及維也納普萊納音樂學院，雙小提琴演奏學士。最神的，是她去年「轉線」，成為《星夢傳奇2》亞軍，由古典樂轉走流行樂，就是全因「喜歡」。
「我係一個固執嘅人，細個學小提琴，因為鍾意所以全心全意，十五歲就一個人去奧地利讀音樂；到返咗香港，決定留低，就開始想試吓喺唱歌方面發展。」
日子有功，面向維港拉着小提琴的她，隨手也拉得出悅耳的音階，再Encore一節《泰伊思冥想曲》，亦是手到拿來。
「其實有一兩個音拉錯咗，哈哈！我就係咁，Rehearsal（綵排）可能會有啲甩漏，但係到真正嘅表演，我都會Handle得到，就算係《星夢》嗰陣都係。」
參賽時因霸氣外露而有「魔王」之名，但黃洛妍一開聲，語調溫和零霸氣，跟「魔王」最相似的，也許是其向着目標進發的決心。
「我覺得自己同古典音樂相似，唔少人覺得古典音樂好悶，就好似好多人以為我好惡咁，只要深入了解，就會發現真正嘅一面。」
人生沒有綵排，但黃洛妍也視之如真正的表演，自信滿滿地拉出動人樂章。