Рет қаралды 171,159
ဒေါ်အောင်ဆန်းစုကြည် အနှစ်သက်ဆုံးစာအုပ်
ကျွန်မအနှစ်သက်ဆုံး စာအုပ်တစ်အုပ်ကတော့ ပြင်သစ်စာရေးဆရာကြီး Victor Hugo ရဲ့ Les Miserables ဖြစ်ပါတယ်။
ပြင်သစ်နိုင်ငံမှာ ဘုရင်ကိုနန်းချ၊ သေဒဏ်ပေးခဲ့တဲ့ ၁၇၈၉ ခုနှစ် တော်လှန်ရေးကြီး နောက်ပိုင်း ၁၉ ရာစုနှစ်အတွင်း ဖြစ်ပေါ်ခဲ့တဲ့ လူမှုရေး နိုင်ငံရေး မငြိမ်သက်မှု များကို နောက်ကားခံပြီး ခင်းကျင်းရေးသားထားတဲ့ ဝတ္ထုကြီးပါ။ တော်လှန်ရေး ဝတ္ထုကြီးလို့ သတ်မှတ်နိုင်ပါတယ်။
ဒီထဲမှာ လေးစားကြည်ညိုဖွယ်ရာ တော်လှန်ရေးသမားနှစ်ဦးကို သရုပ်ဖော်ထားပါတယ်။
တစ်ဦးကတော့ နိုင်ငံရေး၊ လူမှုရေး၊ တော်လှန်ရေးသမား၊ ဒဏ္ဍာရီထဲက သူရဲကောင်းများလို ချောလှ၊ တင့်တယ်၊ ထက်မြက်၊ ရဲရင့် တည်ကြည်သူ ၊ သူရဲကောင်းများရဲ့ ကျဆုံးမှုမျိုးနဲ့ ဘဝကို နိဂုံးချုပ်ခဲ့သူ။
နောက်တစ်ဦးကတော့ မိမိရဲ့ ကြမ်းတမ်းလှတဲ့ ဘဝနဲ့စရိုက်ကို အနိုင်ယူပြီး မေတ္တာ၊ ကရုဏာ၊ သည်းခံခွင့်လွှတ်စိတ်တွေနဲ့ ကျေကျေနပ်နပ်ကြီး ဘဝနိဂုံးကို ရင်ဆိုင်သွားနိုင်ခဲ့သူ၊ တကယ့်အနှိုင်းမဲ့ တော်လှန်ရေး သမားကြီးပါပဲ။
ဒေါ်အောင်ဆန်းစုကြည်
“ဒီစကား" ဒီလှိုင်း
(၂၅-၃-၂၀၁၃) မှ