1918 წლის 26 მაისი - დღე როცა საქართველოს პირველმა მთავრობამ დაკარგული დამოუკიდებლობა აღადგინა. 97 წლის წინ, კვირას თბილისში, გოლოვინის პროსპექტზე კავკასიის მეფისნაცვლის ყოფილ რეზიდენციაში ეროვნული საბჭოს სხდომას ათასობით ადამიანი ელოდებოდა.
5 საათსა და 10 წუთზე ნოე ჟორდანიას ეროვნულმა საბჭომ დამოუკიდებლობის აქტს ხელი მოაწერა. 5-პუნქტიან ისტორიულ ფურცელს, რომელიც შემდეგ საქართველოს კონსტიტუციონალიზმის ფუძემდებელი დოკუმენტი გახდა, პირველად ხელი ნოე ჟორდანიამ, ნოე რამიშვილმა, ექვთიმე თაყაიშვილმა და სხვა ქართველმა მოღვაწეებმა მოაწერეს. ამ აქტით ეროვნულმა საბჭომ საქართველოს დამოუკიდებლობა გამოაცხადა.