Рет қаралды 2,824
Հրապարակման ֆոնին փորձագետները քննարկում են Փաշինյանի վերջին հայտարարություները ՀԱՊԿ-ը լքելու մասին, ինչպես նաև Ադրբեջանին աջակցելու համար դաշինքի անդամների հասցեին հնչեցրած մեղադրանքները
Հիշեցնենք, որ հունիսի 12-ին Ազգային ժողովում կառավարության ծրագրի արդյուքների քննարկման ժամանակ, ի պատասխան ընդդիմադիր պատգամավորներից մեկի հարցին՝ վարչապետ Նիկոլ Փաշինյանը պարզորոշ ակնարկեց ՀԱՊԿ-ը լքելու մասին՝ հայտարարելով, թե Հայաստանի նախկին իշխանությունները «ձևավորել են մի հատ փուչիկ դաշինք, որի անդամները, պարզվեց, գնացել, Ադրբեջանի հետ պլանավորել են մեր դեմ պատերազմը»։
«Դուրս կգանք, դրանով էք վախեցնո՞ւմ եք։ Լավ ենք անում...։ Մենք կորոշենք՝ երբ դուրս գանք, բա ձեր կարծիքով հաջորդ քայլը ո՞րն է, բա կարո՞ղ է հետ գնանք»,- հայտարարեց Հայաստանի վարչապետը։
Մոսկվան և ՀԱՊԿ-ն արձագանքել են Հայաստանի վարչապետի հայտարարություններին: Ռուսաստանի արտգործնախարարության պաշտոնական ներկայացուցիչ Մարիա Զախարովան, արձագանքելով Հայաստանի վարչապետի խոսքերին, շեշտել է՝ ՀԱՊԿ-ում «ոչ ոք ոչ մեկին ուժով չի պահում:»
«Միլիոն անգամ ասել ենք, որ ՀԱՊԿ-ը մի կառույց է, որտեղ բոլորը գալիս են կամավոր։ Այնտեղ մասնակից երկրների վրա ճնշման հրամանատարական և վարչական համակարգ չկա, փոխադարձ հարգալից երկխոսություն է ընթանում»,- ճեպազրույցի ընթացքում հայտարարել է Զախարովան:
Իսկ ՀԱՊԿ-ի քարտուղարությունից ռուսական TASS գործակալությանը հայտնել են, որ կառույցը, հենվելով վարչապետ Փաշինյանի հայտարարությունների վրա, համարում է, որ Հայաստանը շարոնակում է մնալ կազմակերպության լիիրավ անդամ:
«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:
www.amerikayidzayn.com/
/ amerikayidzayn
/ amerikayidzayn
t.me/Amerikayidzayn
Նիկոլ Փաշինյան Pashinyan CSTO Russia ODKB