Mirror成員Anson Lo盧瀚霆近日憑《大叔的愛》大成功吸納大批「神徒」，令原本已經高高在上的人氣再次飆升，生日變「教主誕」引發全城大規模的賀壽活動。Anson Lo演繹的劇集片尾曲《不可愛教主》同樣大受歡迎，工作忙過不停，每日睡眠不足，但愛錫粉絲的他總會上網努力爬文追Post，希望從大家留言看到意見，好讓自己不斷進步。
Anson Lo近日為《大叔的愛》獻唱片尾曲《不可愛教主》，曲風有別於以往節拍強勁的跳舞歌，而是R&B風格的抒情小品，令不少粉絲聽到心臟麻痺冧冧豬。他說：「今次係幾罕有嘅嘗試，呢首歌出發點係來自阿牧，我自己青春時代同阿牧好唔同，所以錄音時要回想起阿牧、阿田嘅甜蜜回憶。好似喺大澳拍拖或屋企啲生活小日常，一齊刷牙之類，幻想阿牧嘅聲線會點樣演繹。」
Anson Lo直言沒想過《大叔的愛》會引起廣泛的關注，大家追劇之餘，更非常投入各個角色人物，「我有一絲唔好意思，令大家為我角色感到唔開心，我好感激，留意到大家好投入。每次我喺社交平台分享拍劇感受時，的確比以往多人留言回應，多謝大家支持。」同時稱對阿牧有特別強烈的感覺，拍攝時百分百代入其中，令他學會阿牧的待人處事的態度與價值觀，亦慢慢意識到凡事要考慮到身邊其他人的感受。Anson Lo回想劇集播出時，喜歡看看觀眾、網民的即時反應，他會追看Fb、IG、討論區的留言，收集意見，心臟強大的他，好與壞的評論一樣全單接收，「喜歡乜嘢、唔喜歡咩，或者有人留言話唔喜歡我厚妝……其實呢度都係一個途徑畀我知道，咁我自己再去分析係咪合理？使唔使去改善？」
Anson Lo曾經在直播時講過自己休息時間不多，原來真的非常誇張，「每日只係瞓到3、4個鐘，已經習慣咗，有4個鐘對我嚟講已經係好幸福嘅事；畢竟而家係一個衝刺時期，唔通向公司申請假期去瞓覺？咁好唔合理，既然咁幸運得到機會，就應該花更多時間去做好每次工作。」
26歲生日｜Anson Lo多謝司棋姐打卡畀鼓勵 孖花姐出巡影尖沙咀生日廣告牌
馬不停蹄的工作，令Anson Lo連生日跟家人食飯的機會都沒有。「今年慶生活動嘅數量同規模令我驚訝又甜蜜，感覺好似全城都為我慶生，好窩心。其實以往每年生日都會同屋企人食飯；入行後家人聚會嘅次數由100突然變成0，媽媽成日問我幾時有期食飯……但我睇行程表真係冇一晚有空檔……」他承認因為工作而犧牲了跟家人相處的時光，唯有找其他方法去彌補，現時多與家人以訊息留言互動，亦會主動交代工作進度，不希望家人為他擔憂，認真乖仔！
Anson Lo這位巨蟹小子十分重感情，除了家人，他愛錫粉絲的程度，絕對令神徒無法自拔。Anson Lo特別借《晴報》的訪問道出對各位神徒的感激之情，「你哋所做嘅事、付出嘅一切，時間同心血，我都看在眼裡，感激大家。我承諾在未來唔同作品上面，會好似阿牧一樣百分百投入，畀大家睇到更多唔同可能性嘅Anson Lo！」
Follow @edanlui
@ansonlht
@danson_fanspage