Рет қаралды 7,751
Бұдан былай елімізде әйелдердің зейнетке шығу жасы 61 жас болып бекітілмек. Мемлекет басшысы әлеуметтің талап-тілегін ескере отырып, 2028 жылға дейін зейнет жасын осы деңгейде қалдырамыз деді. Бұдан бөлек, алда бірыңғай жинақтаушы зейнетақы қорының тиімді инвестициялық стратегиясын әзірлеу керектігін атап өтті. Бұл жұмысқа жеке компаниялар тартылмақ. Ал экономистер жекеменшік зейнетақы қорлары құрылса, әрбір тұтынушыға талас басталуы мүмкін деп отыр.
59 жастағы Алматы тұрғыны Гүлнәр Авезова зейнет жасының төмендегеніне дән риза. Қырық жылдан бері есепші болып еңбек етіп келе жатқан ол, келер жылы құрметті демалысына шығады. Айтуынша, бұрынғы есеппен зейнетке 61 жарым жасында шығуы керек еді. Енді жарты жыл болсын жұмыстан ерте босап, бейнетінің зейнетін көрмек. Қазір емханада істейтін келіншек, алғашқы зейнетақымды алған бойда Қазақстанның қалаларын аралап, көрікті жерлерде демаламын дейді.
ГҮЛНӘР АВЕЗОВА, Алматы қалалық №9 емхананың есепшісі:
- Соның өзі өте қуанышты жаңалық біздер үшін. Жарты жыл болса да біз ертерек пенсияға шығып, ертерек өзіміздің осы кезге дейін істеп келген еңбегіміздің жемісін ертерек көреміз деген қуанышта отырмыз.
Бұған дейін Қазақстан әйелдер қозғалысының өкілдері зейнет жасын 58 жасқа дейін төмендетуді талап етіп, бірнеше рет бейбіт митинг өткізген болатын. Бастама көтергендер, әйелдерді 63-жасқа дейін жұмысқа салу, оларды қорлаумен тең екендігін айтқан. Әрі елде көп әйелдің денсаулығы ұзақ жыл жұмыс істеуге жарамайтынын алға тартқан. Алайда, Үкімет зейнетке ерте шығу, әйелдердің өздеріне тиімсіз деп мәлімдеген болатын. Айтуларынша, 58 жасында азаматтар жеткілікті зейнетақы қорын жинап үлгермейді. Сәйкесінше, алатын зейнетақы мөлшері де азаяды деген еді.
МАҚСАТ ХАЛЫҚ, Экономист:
- Бұл жердегі мәселе, зейнетақының да төмендігі бар. Оған байланысты енді Президент айтып отыр, жаңағы жекеменшік зейнетақы қорларын тағы құрамыз.+ Егер осындай жеке сектор араласатын болса, онда сөз жоқ оның тиімділігі артады. Ертең азаматтар үшін талас басталады: "біздің зейнетақы қорына ауыс, бізде пайыздары жоғары, инвестициялық кірісің тез өседі", + деп сөйтіп әрбір тұтынушыға талас болады. Сосын олардың ішіндегі мықтылары анықталады. Сіз өзіңіз қарап отырып, өзіңіздің зейнетке шығу траекторияңызды сызатын боласыз.
Айта кетсек, Қазақстан 2018 жылдың 1 қаңтарынан бастап әйелдердің зейнет жасын кезең-кезеңімен - жыл сайын алты айға ұзартып келеді. 2022 жылдан бастап әйелдердің зейнетке шығу жасы 60,5 жыл. Ал, 2027 жылға қарай әйелдер мен ерлердің зейнетке шығу жасы теңесіп, 63 жасқа жетеді деп күтілген болатын.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#ЗейнетЖасы #әйелдер