Рет қаралды 33
Бүгін Қостанайда шығыстанушы, «Отбасы» хрестоматиясы жобасының авторы, «Бейсен және болмыс», «Қуыскеуде», «Өмірге ғашық», «Салт-дәстүр сөйлейді» және қазіргі таңда қазақ елінің сүйікті кітаптарының біріне айналған «Өзбекәлі және мәдени майдан» авторы Санжар Керімбаймен кездесу өтіп, «Өзбекәлі және мәдени майдан» кітабының тұсаукесер таныстырылымы өтті.
Кездесуге зиялы қауым өкілдері, студенттер, ақын-жазушылар мен жалпы оқырман қауым келіп, ізгі лебізін білдіріп, сый құрмет көрсетті. Облыстық мәдениет басқармасының басшысы Құралбек Атамұратов сыйлы қонаққа шапан жауып, ризашылығын білдірді. Кешке келген қонақтар автордың кітаптарын сатып алып, қолтаңба алды. Кеш соңы Өзбекәлі Жәнібековты еске алып, «Арқалықтың ақ таңы» әнін барша қауымның біріге әндетуімен аяқталды.