Рет қаралды 20
Тарихта өшпес таңба қалған күн. Сыр жұртшылығы саяси-қуғын сүргін және ашаршылық құрбандарына арналған мемориалдық ескерткіш жанына жыл сайын жиналып, ата-баба рухына тағзым етіп отырады.
Кейбір дерек көздеріне сүйенсек, өткен ғасырдың 20-40-жылдарында жергілікті ұлт өкілдерінің облыс халқы санына байланысты үлес салмағы біршама төмендегенін байқау қиын емес. “Бұл репрессия жылдарында, соғысқа дейінгі және кейінгі жылдарда өзге ұлт өкілдерінің түрлі себеппен облысқа көшірілуі салдарынан болды. Бұл қазақтардың үлес салмағының азаюына алып келді. 1939 жылғы санақта өңірде югослав, португал, итальян секілді ұлттардың да бар болғаны анықталды. Дегенмен зерттеу жұмыстарын жүргізу барысында көптеген қиындықтар туындады. Кейбір мәліметтерді жергілікті архивтен кездестіре алған жоқпыз. Оларды өзге өңірлердегі архивтерден нақтыладық. Бұл тарихты толық ашуға жеткіліксіз” - деді тарих ғылымдарының кандидаты Айтжан Оразбақов.
Кез келген ел үшін бастық құндылық - ұлттық бірлік, ынтымақ және тұтастық. ХХ ғасыр басында осы құндылықтарды ту еткен ұлт зиялыларының үлкен шоғыры қалыптасты. Олардың есімін ұлықтау - кейінгі ұрпақтың парызы.