Рет қаралды 181,122
Түркістан облысында бес жасар Еркежан Нұрмаханды айуандықпен өлтірді деп айыпталған Сайдалим Гайбназаров өмір бойы бас бостандығынан айырылды. Сонымен қатар ол химиялық кастрация процедурасынан өтуі керек. Бүгін сот қаршадай қызды қан-жоса етіп қорлаған 48 жастағы азаматқа осындай үкім шығарды. Сотталушы өмірінің соңына дейін жазасын ең қатаң режимдегі Қарабүркіт түрмесінде өтейді. Алайда, Сайдалим Гайбназаровтың өзі үкіммен келіскен жоқ. Тағылған айыптың кейбірін мойындамайтынын айтып, жазасын жеңілдетуді сұрады.
НАЗЕРКЕ ҮКІБАСОВА, тілші:
- Бұл бес жасар Еркежан Нұрмаханды тапа-тал түсте үйіне алдап әкетіп, қорлықпен өлтірді деген Сайдалим Гайбназаров. Тергеу дерегінше ол бүлдіршінге сексуалдық сипаттағы зорлық-зомбылық жасағаннан кейін, қылмысын жасырмақ болады. Сөйтіп қаршадай қызды бірнеше жерден пышақтап, қасақана өлтірген. Алайда, сотталушы тергеу барысында кінәсінің кейбірін мойындамапты. Дегенмен, сот сараптамасында қыздың киімінен де, денесінен де сотталушының шәуіті табылғанын алға тартқан судья оған қатаң жаза тағайындады.
ДӘУРЕН МАДАЛИЕВ, Түркістан облысының қылмыстық істер жөніндегі мамандандырылған ауданаралық сот төрағасының міндетін атқарушы:
- Қылмыстық кодекстің 93 бабы бірінші бөлігі, бесінші тармағына сай Гайбназаровқа химиялық кастрация түрінде және сексуалдық зорлық-зомбылық бейімдіктен мәжбүрлеп емдеу тағайындалсын.
Еске сала кетсек, жантүршігерлік қылмыс шілде айында Сарыағаш ауданында болған. Із-түссіз жоғалып кеткен Еркежан Нұрмаханның денесі көрші, яғни Сайдалим Гайбназаровтың үйінің шатырынан табылған еді. Енді ол өмір бойы қатаң режимдегі Қарабүркіт түрмесінде отырады. Және сол жерде химиялық кастрация да жасалмақ. Бірақ, сотталушы үкіммен келіспейтінін айтып, жазаны жеңілдетуді сұрады.
Алайда сотталушының бұл сөздері Еркежанның ата-анасына өте ауыр тиді. Аялап отырған қызының өмірін қиған көршісіне қол жұмсап, қарғап-сіледі. Олар қызымыз жоғалып кеткенде көршілерімізден еш күдіктенбедік деді.
Соттың мәліметінше, Гайбназаров қылмыс жасаған кезде есін білген. Ер адам ажырасқан және балалары бар екен.
Бұған дейін ол адам өлтіргені үшін 10 жыл түрмеде отырып, мамыр айында ауылдасын балтамен ұрып денсаулығына ауыр зиян келтірген. Алайда, судья Нұрғазы Шетенов оның бұған дейін кісі өлтіріп, темір торда отырып шыққанын ескерместен, 3 жылға бас бостандығын шектеу жазасын тағайындаған. Осылайша, пробациялық бақылауда жүріп, Гайбназаров Еркежанның өмірін қиған. Марқұмның туыстары азаматты дер кезінде түрмеге қамамағаны үшін сол кездегі судьяларды сотқа береміз дейді.
НҰРЖАН ЕРЕЖЕПОВ, Марқұм Е.Нұрмаханның әкесі:
- Сарыағашта осы Сайдалинды шығарған сорлы судьяны жазалау керек қой. Сол кезде Сайдалин қамалғанда қызым тірі болған болар еді. Кім қатысы бар солардың бәрі жазалануы керек еді. Сот прокурор бәрі жазалануы керек. Тиынын алып, ақшасын алып бұны шығарып жіберген.
Айта кетсек, жәбірленушілердің пайдасына сотталғаннан моральдық шығынды өтеу ретінде 100 миллион теңге өндірілмек. Бірақ, сот оны кім беретінін нақты айта алмады.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал