මෙරට ක්‍රියාත්මක හෙරොයින් ඇතුළු මත්ද්‍රව්‍ය ජාවාරම සම්පූර්ණයෙන් ම මැඩලීම සඳහා සිංගප්පූරුවේ නීතිය මෙරට වහා ක්‍රියාත්මක කළ යුතු බව විපක්ෂ නායක සජිත් ප්‍රේමදාස මහතා පසුගිය දා (21 දින) නාඋල දී පැවසීය.
මේ වන විට මෙරට පාසල් පද්ධතිය මත්දුව්‍ය වලින් පිරී ඉතිරී ගොස් තිබෙන බවත් වහාම ක්‍රියාත්මක වන පරිදි රටේ නීති පද්ධතිය වෙනස් කොට අධිකරණය ශක්තිමත් කළ යුතු බව ද විපක්ෂ නායක සජිත් ප්රේමදාස මහතා මෙහිදී සඳහන් කළේය.
විපක්ෂ නායකවරයා සක්වල වැඩසටහන් යටතේ නාඋල ශ්‍රී නාග ජාතික ප වෙත රුපියල් ලක්ෂ 50 ක් වටිනවා බස් රථයක් පරිත්‍යාග කිරීමේ අවස්ථාවට එක් වෙමින් මෙරට පාසල් අධ්‍යාපනය පිළිබඳව මෙම අදහස් පළ කළේය.
පාර්ලිමේන්තු මන්ත්‍රි රෝහිණී කවිරත්න මහත්මිය ගේ ඉල්ලීමක් අනුව රුපියල් ලක්ෂ 50ක පමණ මුදලක් වියදම් කරමින් මෙම පාසලට ලබා දුන් බස් රථය අතරමග සිට සජිත් ප්‍රේමදාස මහතා විසින් ධාවනය කරමින් පැමිණියේය.
ශ්‍රී නාග ජාතික පාසලේ විදුහල්පති එම්.ජි.නවරත්න මහතා සිසු දරුවන්ට බස් රථයේ යතුර බාරදීම සිදු කෙරිණි.
පසුව පැමිණ සිටි ජනතාව ඇමතූ වීපක්ෂ නායක සජිත් ප්‍රේමදාස මහතා කියා සිටියේ මෙරට අධ්‍යාපන පද්ධතිය සම්පූර්ණයෙන්ම වෙනස් ඩිජිටල් තාක්ෂණ ක්‍රමමවේදයන් ඔස්සේ මෙරට දරුවන්ගේ අධ්‍යාපනය සම්පූර්ණයෙන්ම වෙනස් කොට නව අධ්‍යාපන ප්‍රතිපත්තියක් ක්‍රියාත්මක කළ යුතු බවත් මේ වන විට පවතින අධ්‍යාපන ක්‍රමවේදය සියල්ල යල්පැනගිය ඒවා බවද හෙතෙම අවධාරණය කළේය.
එමෙන්ම සිරගෙවල් තුළ සිට මෙම මත්ද්‍රව්‍ය ජාවාරම ක්‍රිත්මක වන බවද හෙතෙම අවධාරණය ක‍ළේය .
එමෙන්ම මෙරට දුම්කොළ සමාගම් වලින් රජයේ බලධාරීන් විසින් විවිධ වරදාන වරප්‍රසාද ලබා ගැනීම නිසා දුම්වැටිවලට බදු පැනවීමක් සිදු නොකරන බව ද අසරණ ජනතාවට බදු පනවන බව සජිත් ප්‍රේමදාස මහතා පෙන්වාදුන්නේය
සිංගප්පූරුව මේ වන විට මත්ද්‍රව්‍ය වලින් තොර රටක් බවත් එරට ජනාධිපතිවරයා ගෙන ආ තීන්දු තීරණ සහ නීතිය පිළිබඳව මෙරට අවධානය යොමු කොට කඩිනමින් මානව හිමිකම් පිළිබඳව අවධානය යොමු නොකොට රටේ අනාගතය භාර ගැනීමටට සිටින දරු පරපුර වෙනුවෙන් සිංගප්පූරුවේ නීතිය හෙරොයින් මත්ද්‍රව්‍ය මැඩලීම සඳහා යොදාගත යුතු බව තමන්ගේ අදහස බව ද හෙතෙම කියා සිටියේය.
මෙම අවස්ථාවේදී පාර්ලිමේන්තු මන්ත්රිනී රෝහිනී කවිරත්න මහත්මිය ද අදහස් දක්වමින් කියා සිටියේ රට තුල ගොඩ නැගි ඇති ආර්ථික අපහසුතා වලට යම් සහනයක් ලෙස පාසල් බස් රථ ලබාදිම ප්‍රාෙයා්ගික ක්‍රියාවක් බවයි.
අද වන විට පාසල් පොත් හා පාසල් උපකරණවල ඉහල යෑමත් සමග දෙමවිපියන් දැඩි දුෂ්කරතාවන්ට මුහුණ දි සිටින බව ද ඇය අවධාරණය කළේය.
මෙම අවස්ථාව සදහා නාඋල කලාප අධ්‍යාපන අධ්‍යක්ෂ සදරේකා කුලතුංග ඇතුළු නාඋල අධ්‍යාපන කලාපයේ පාසල් රැසක විදුහල්පති වරු මෙන්ම සමගි ජන බලවේගයේ මාතලේ දිස්ත්‍රික් කලමණාකරු එච්.එම්.අබේරත්ත,විල්ගමුව,දඹුල්ල,මාතලේ ආසන වල සංවිධායක වරුන් ඇතුළු පක්ෂ විපක්ෂ පළාත් පාලන නියෝජිතයෝ රැසක් මෙන්ම ශ්‍රී නාග ජාතික පාසලේ ගුරු මණ්ඩලය මෙන්ම දෙමවිපියන් රැසක්ද සහභාගීවී සිටියහ.