БІЗДІҢ KZfaq АРНАҒА ТІРКЕЛІҢІЗ: / @informburo31kanal
---------------------------------------------
Жамбыл облысында жетінші сыныптың қызын жүкті еткен депутаттың күйеуі 20 жылға сотталды. Бір жыл бүркемеленіп, былтыр қозғалған істе бұдан бөлек 13 лауазымды тұлғаға қатысты қылмыстық іс қозғалған еді. Алайда, анасына айтпай аборт жасатып, еш жерге тіркемей гинеколог жалдаған мектеп басшылары жазадан оңай құтылды. Ал анасы сот үкімін бізден естіп аң-таң. Әріптесім Нұрадин Рақай қоғамдық резонанс тудырған оқиғаға қатысты жәбірленуші қыздың анасымен тілдескен еді.
---------------------------------------------
Теңдессіз жобамызға көз салыңыз: • Сөздің шыны керек: [жу...
Бүгінгі шығарылымда:
Оқушысы жатып оқитын мектеп қабырғасындағы сұмдық жағдай былтыр болған. 7 сыныптағы қызымның жүктілігін жасыру үшін мектеп басшылары тіс жармай түсік жасатудың жолын тапқан дейді анасы.
МАРИЯМ СМАДИЯРОВА, жәбірленушінің анасы:
- Маған түсік жасатамыз деп айтқан жоқ. Олар түсіктен бұрын толғақ шақыратын дәрі берген. Мен білмедім. Тек түнде қызым түсік жасатқызғаны туралы хат жазып жіберіпті. Омырауынан сүт шықпауы үшін шарфпен буып үйге әкеліп тастады
Бірақ бұл түсік не ауруханада не құзырлы органдарда тіркелмеген. Былтыр анасының арызынан соң бұған қатысы бар 13 адамға іс қозғалған еді. Бірақ Жамбыл облыстық сотының берген мәліметінде бұл жайында бір ауыз айтылмаған. Тек 55 жастағы азаматтың кінәсі дәлелденіп, 20 жылға сотталғанын, материалдық шығыны үшін анасына 3 млн теңге өндірілгенін мәлімдеді.
ЖАМБЫЛ ОБЛЫСТЫҚ ҚЫЛМЫСТЫҚ ІСТЕР ЖӨНІНДЕГІ МАМАНДАНДЫРЫЛҒАН АУДАНАРАЛЫҚ СОТЫНЫҢ БАСПАСӨЗ ҚЫЗМЕТІ:
- Осы қылмысты жасағаны үшін заңда 20 жыл мерзімге бас бостандығынан айыру түріндегі негізгі жаза көзделген. Жасалған қылмыстың сипаты мен қоғамдық қауiптiлiк дәрежесiн ескере келе сотталушы М-ды өмiр бойы педагогикалық қызметпен айналысу құқығынан айыра отырып, 20 жылға бас бостандығынан айыру түрiнде жаза тағайындалды. Сотталушыдан жәбірленушінің пайдасына 3 миллион теңге сомасында материалдық шығын өндірілді.
Бір қызығы, қызға айуандық жасаған азаматтың сотына анасы шақырылмапты. Сырттан шешім шығарды деген анасы тағайындалған жазамен келіскенмен материалдық шығынның тым аздығы және істі бүркемелеген лауазымды тұлғалардың жазадан сытылып кеткеніне қапалы.
МАРИЯМ СМАДИЯРОВА, жәбірленушінің анасы:
- Мен тіптен сот туралы естіген жоқпын. Сіздерден біліп отырмын. 3 миллион материалдық шығын өтелді депті. Кім оны әкеліп беріпті маған? Соқыр тиында әкелген жоқ. Моральдық шығынға 20 миллион деп талап бергенбіз. Неге оны 3 миллиионға қысқартты оны да түсінбедім. Оның өзі де жоқ қой міне. Итке сүйек лақтырғандай не бұл?
Сұмдық жағдайдан соң қыз бала Тараз қаласындағы мектеп интернатына ауысқан. Түсіктен соң қызым тұйық, тым шағымшыл болып кетті дейді анасы.
---------------------------------------------
Біз барлық әлеуметтік желідеміз, тіркеліңіз:
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық