Рет қаралды 320,982
Бәріңізге Ассалаумағалейкум!
Совет одағының құрамынан шыққан республикаларды, өздерінің жеке - жеке бастарына үй тігіп берген отаулары санайтын орыстар, сол отауларының қарашаңырақ ресейден саяси, экономикалық жақтан алыстап кетуін ешқашан қалаған емес. Тіпті, орыс тілін осы отауларына, мемлекеттік тіл ретінде тықпалап, зорлық жасап отыр.
Ресейдің байбаламшыл, ойбайлағыш депутаттарының бірі, сенатор - Алексей Пушков, «Вечерняя Москва» газетіне берген сұхбатында: «Совет одағы шекпенінен шыққан елдердегі бәсекелестік күшейіп келеді. Егер бұл Трамп үшін онша қызығушылық тудырмаса, онда Байден әкімшілігі, ол республикаларды, Ресейден бөліп тастауға бағытталған, Американың күш-жігеріне бәс тігіп жатқан көрінеді. АҚШ енді Белоруссияға, Өзбекстанға, Арменияға және Қазақстанға назар аударады. Олар АҚШ-тың назарында болады. Тіпті, Киевпен әскери ынтымақтастық күшейуі, АҚШ-тан қару-жарақ пен техника алуы және Украина аумағында, АҚШ-тың әскери базасы орналастырылуы мүмкін. Вашингтон мен Киев, батыс әскери құрылымдары бойынша күш біріктіруі ғажап емес. Сол арқылы оны, НАТО-ның бейресми мүшесі етуі де мүмкін. Байденнің кезінде, АҚШ, Ресеймен бәсекелестікті Совет одағы шекпенінен шыққан елдерде жүргізуі, АҚШ-пен қарым-қатынасты нашарлатудың жаңа факторына айналуы мүмкін. Сондықтан, біз де соған қарай жұмыс жасауымыз керек. Америка қазір, Совет одағы шекпенінен шыққан республикаларды Ресейден бөліп алып, ажыратуға бағытталған жұмыстар жүргізіп жатыр-мыс» - деді.
Соңғы кездері, Ресей саясаткерлері, Қазақстан мен бұрынғы Совет одағы құрамынан шыққан елдерге қатысты, осы секілді мәлімдемелерді жиілетті. Орыстардың бұл қылығы, өлім алдында жанталасқан адамды елестетеді. Қолынан шығып бара жатқанда, амалсыз не істерлерін білмей, іштері удай ашып, қылып жүрген тірліктері. Ресей, азулы АҚШ-пен бұл елдерге қатысты, көкпарға түсем десе қателескені. Ресейдің күні батып барады. АҚШ пен европа елдері, ресейдің европаға тартқан, Северный паток-2 (СП-2) газ құбырын тоқтататын болды. Енді, ресейдің қамбасына түсетін, доллар жоқ деген сөз. Ондай болса, ресейдің қылпылдап тұрған рублі шалқасынан құлап, девальвацияға ұшырайды. Тек шикізат сатуға ғана құрылған экономикасын, енді көтеруі қиын. Орыстар шығарған салдырлаған тазик ладаны, ешкім мінбейтін болады.
«Жау жағадан алғанда, Бөрі келіп балақтан тартты» дегендей, Еуропарламент, Навальныйды тұтқындағаны үшін, СП-2 газ құбырының құрылысын тоқтатуды талап етті. Оған қарсы санкция салынатын болды.
Ресей де СП-2 жобасынан күдер үзе бастады. Алдағы 2-3 күн ішінде, "Газпром" басшысы Миллер доғарысқа кетеді деп күтілуде.
АҚШ, Ресейге қарсы жаңа барлау шараларын жасауға бұйрық берді. Ақ Үйдің пресс-секретары Джен Псакидің айтуынша, барлау жұмыстары Мәскеу қаласынан басталады. АҚШ, Ресейді бірнеше инциденттер бойынша, жауапқа тартуды көздеп отыр. Бұл шараға, АҚШ-тың жекеленген арнайы барлау топтары іске кіріспек. Мұның барлығы да, Ресейдің АҚШ-қа қарсы жаулық ниетінен туындаған. АҚШ федеральді тергеу органдары, Ресейді осы жолғы АҚШ-та өткен президент сайлауында да кедергілер жасағанын анықтап отыр. Навальныйдың да, АҚШ президенті сайлана сала, еліне баруы тегіннен тегін болған тірлік емес.
АҚШ, ресейге соңғы «контрольный соққы» жасайтын болды. Трамптың Иранға салған экономикалық санкцияларды алып тастайтын болды. Енді Иран елі мұнайын сыртқа сата алады. Бұл дегенің мұнайдың бағасының түсуіне алып келері сөзсіз. Мұнай мен газға ғана сүйеніп отырған ресей үшін, бұл үлкен ногдаун болмақ. Орыстар ғана емес, мұнайға байланып отырған бізгеде, шоқпар болып тиері анық. «Орысқа ереміз деп, тақырға отырдық» деген осы.
Бағанадан АҚШ пен ресей арасындағы көкпарды айттық. Бірақ, осы көкпарға шығыс жақтан қосылғысы келіп отырғаны анық. Қытайлар ашық агрессиялық бейне көрсетпейді. Олар қолына шоқпар алып келмейді. Олар бетімізге күліп, қолына қызыл юанын алып келеді. Қытайға жерімізді жалға бермейміз» деп шуылдап жүрміз. кім білсін? Қытайға қыздарын бере салатындар, қытайдың қызыл юанын көргенде, өз атындағы жерлерін жалға бере салмасына.
1945 жылы, қытай коммунисттері, Сталинның жапон фашисттерінен тартып алып берген, қару-жарақ, оқ-дәрісімен қаруланып, өздерінше «Темір армия» деген, армия құрыпты. Қазақтан шыққан атақты қолбасшы, Шығыс Түркістан үкіметінің негізін қалаушылардың бірі - Оспан батыр, жаңағы қытайдың темір армиясының быт-шытын шығарып, 70 мың сарбазын қырып тастапты.
Сонда, Оспан батырдың қасындағы жігіттердің бірі, таудың етегіндегі қойша қырылып жатқан қытайдың сүйегін қамшысымен нұсқап тұрып:
- Батыр, сізде арман жоқ шығар. Мына жатқан неше мыңдаған қытайдың ақжаңқа сүйегін көргенде, қытайға кеткен кегімізді аямай қайтарғанымыз көрініп тұр - деп, Оспан батырдың бетіне мақтанышпен қараса, Оспан батырдың сабырлы жүзі тұнжырап, мұңая күрсініпті:
- Е, е - деп, дауысын соза, тереңнен күрсініп - мына өліп жатқан неше мыңдаған қытайдың бас сүйегі, қазақтың хандарының тұқымы - Шәріпхан Көгедаевтың, қарадан шығып хан болған Мәңкей Мәмиұлының басының садақасына тати ма? Толығырақ Видеода...