යුරෝපයේ ඉතා කුඩා රටක් වන ලක්සම්බර්ගය ලොව වැඩිම ඒක පුද්ගල ආදායමක් සහිත රටයි. සාමාන්‍ය ඒක පුද්ගල ආදායම වසරකට රුපියල් ලක්ශ දෙසිය දහයක් පමණ වේ. මෙරට සාමාන්‍ය ගුරුවරයකුගේ මූලික අවම වැටුප මසකට රු. ලක්ශ දහතුනකි. කම්කරුවකුගේ වැටුපද ඊට නොදෙවැනිය. ලොව වාසනාවන්තම මිනිසුන් ජීවත් වන්නේ මෙම රටේදැයි සිතෙන තරමටම මෙරට සමුර්ධිමත්ය.
මෙරට තවත් සුවිශේෂත්වයක්නම් රටේ සමස්ත ජනගහනයෙන් අඩක්ම විදේශ සංක්‍රමණීකයන් වීමයි. අගනුවර වන ලක්සම්බර්ග් විලා නගරයේ ජනගහනයෙන් 70% කට අධික පිරිස විදේශිකයන්ය. නමුත් කිසිදිනක කිසිවෙක් කිසිදු ආකාරයක වාර්ගික ගැටුමක් ඇති කර නොගනිති. මෙම සංක්‍රමණීකයන් අතර පෘතුගීසීන්, ජර්මානුවන් ආදීන් මුල් තැනේ වෙති.
ඉතාම නිහතමානී හිතෛෂී නිදහස් මිනිසුන් වෙසෙන ලක්සම්බර්ග් වැනි රටක ඉපදීමද කුමන වාසනාවක්දැයි සිතෙන තරමට රට පුරාම එහි සෞභාග්‍යය විද්‍යාමාන වේ. මෙම වීඩියෝව කිරීම සඳහා මා ලක්සම්බර්ගයට පැමිණීයේ දෙවැනි වතාවටයි. මීට වසර විසි පහකට පමණ පෙර මා මුල්වරට මෙරටට පැමිණි අවස්ථාවේ සිදු වූ ජීවිතයේ අමතක නොවන සිදුවීමක් සිහිකරමි. මගේ නොසැලකිලිමත්කම නිසා මගේ මෝටර් රථය බරපතල අනතුරකට ලක්වීමට ගොස් මගේ බිරිඳගේ දැඩි සැලකිලිමත් බව නිසා අනූනමයෙන් අප මුලු පවුලේම ජීවිත බේරුන ආකාරය කිසිදින අමතක නොවේ.
මුහුදක් නැති වරායක් නැති ලක්සම්බර්ගය ප්‍රංශය, ජර්මනිය සහ බෙල්ජියම යන රටවල් තුනෙන් වටව පිහිටා තිබෙන අතර රට පාලනය වන්නේ සාම්ප්‍රදායික ආදිපාද්වරයෙක් මගිනි.
බටහිර යුරෝපයේ අන් රටවලට සාපේක්ශව ඉන්ධන මිල අඩුම රට ලක්සම්බර්ගයයි. එබැවින් දේශසීමා අසල ඉන්ධන පිරවුම්හල් විශාල ප්‍රමාණයක් දැකිය හැකිය. ජර්මන් දේශසීමාවේ එක් පාරක් අසල එකිනෙකට යාබදව ෂෙඩ් නමයක් මා දුටුවෙමි. අසල රටවල වාහන දේශසීමාව හරහා පැමිණ වාහන වල පිටුපස විශාල ගැලුම් වලටද ඉන්ධන පුරවාගෙන යන දසුන් එමටය.
යුරෝපයට සංචාරයකට හෝ පැමිණෙන්නේනම් මෙම සුන්දර රටේ දවසක් හෝ ගතකිරීම ඔබේ සංචාරයට නව අරුතක් එක් කරනු ඇත.
ලෝකෙවටේ සුදන්තක
Facebook : / sudanthakalokewate
Instagram : / lokewatesudanthaka
Facebook Group : / 258798072350671
Facebook Page : / lokewatesudanthaka
My KZfaq Channels :
/ lokewatesudanthaka
/ sudanthakavlog
#Hirunews #Adaderana #NewsfirstSriLanka #NewsLankaLive #NewsCenter #Wishwayadakimu #VFMradio107 #Thenewsreporter #Thelifetraveler #Slvlog #TruthwithChamuditha #Sudaacreation #Satahanradio #Sldeshaya #Haritv #Siyathanews #Swarnavahinitv #Voicetube #SLstuff #Testone
#LokewateSudanthaka #SudanthakaVlog #Luxembourg