Ano nga ba ang tunay na diwa ng PASKO?
May mga pamilyang masaya, may pamilyang malaki, at mayroon din maliit. May pamilyang mayaman, may kaya at sapat at payak lang ang pamumuhay. May pamilyang madaming handa at maraming bisita. PERO, hindi mo malalaman ang tunay na diwa ng kapaskuhan kung hindi mo kayang pahalagahan ang TUNAY na PAMILYA na mayroon ka.
Madaming paraan para maging MASAYA. Pero parang ang hirap yatang ipagdiwang ang PASKO kapag KULANG ang isa sa inyo. Ang hirap ng pamilyang nasira, nabuo, nawasak, nabuo at nawasak na namang muli at hanggang sa maglaon ay naging permanenteng may kulang sa inyo.
Pero masisisi mo ba ang mga taong nasanay na sa ideya na wala ka? O maiintindihan mo ba ang taong mas piniling mag-isa kasi ayaw nya na maging pabigat sa mga taong mahalaga at malapit sa kanya? Pipiliin mo ba na magpatawad nalang? O aantayin mo pa ang panahong wala ka ng pagkakataon na magpatawad at patawarin pa sya?
Wala na bang karapatan ang tao na magbago at sinirado mo na ang iyong isipan at puso na magpatawad? Hindi lahat ng dagok sa buhay ay madadaan sa magulo at mainit na ulong usapan. Hindi nyo namamalayan na maraming tao ang na-apektuhan.
Palagi nating tatandaan na hindi lang sa desisyon natin iikot ang mundo. May kani-kaniyang tayong mga dalahin, dahilan, at layunin sa buhay. Ang TUNAY na PAMILYA ay nagkakaintindihan, nagkakaunawaan, nagkakapatawaran at lagi nating masasandalan sa oras ng kagipitan at kalungkutan.
Isa lang naman ang hiling ng bawat tao tuwing NOCHE BUENA, maging maayos at buo ang pamilya. Ikaw? Ano ang kwento ng NOCHE BUENA nyo?
Starring:
Glenda Victorio as Pat.
Zeinab Harake as Ate Zoey
Jomar Lovena as Kuya Noel
Vic Romano as Tatay Cesar