Бәріңізге ассалаумағаликум, Қазақ қоғамында коронавирустан қалыспайтын бір дерт болса ол жағымпаздық. Журналист Жұлдыз Әбілда айтпақшы бұл нағыз асқынған ауру. Негізі жағымпаздық өзінен әлсіз, өзінен төмен тұрғандарға емес, әдетте өзінен мықты, ал бүгінгі біздің қоғамды алатын болсақ, қолында билігі бар, лауазымы жоғарғыларға көрсетіледі. Қолпаштаумен қолтығына кіріп алса түбі жерде қалмайтынын жақсы білетін ондай пысықтар бізде елде өте көп. Сонымен Қазақстандағы ең жағымпаз адам кім? Мұны сізге білген дұрыс!
Ардақты ағайын видеоны көрмес бұрын астына түсіп подписаться деген қызыл тетік пен қасында шыққан қоңыраушаны баса салыңыз. Біз сіздерге маңызды, өзекті һәм қызықты ақпараттарды ұсыну үшін тынбай қызмет ете береміз.
ЗКТ: Көпшіліктің пікірінше орынды-орынсыз мақтау айтудан алдына жан-салмайтын жандардың көш басында ақын Балтабек тұр. Қазір оны танымайтын қазақ жоқ. Кейде осы Балтакеңнің батылдығына қайран қаласың. Батылдық деп отырғанымыз ел қанша сынап-мінеп жатсада жарықтық бір қайтпайды ау, қайтпайды. Әлгі батырға оң-солы бірдей дегендей ұлы ақынмын деп қойып қазақша, орысша, тіпті ағылшынша жыр жаза береді, жаза береді. Енді түсінен шошып оянғандай тағы бір бастама көтеріп жұртты шу еткізді. Қазақстанның Тұңғыш Президенті Назарбаев қайта Президент болсыншы деп өлеңмен өтініш жазды. Міне ғажап... Ол мұнысын Фейсбуткегі өз парақшасында жариялады. Әлгі шедевр өлеңінің бір ғана шумағын оқып көрейік.
Уа, Нұр-Сұлтан Әбішұлы-Нұр Айбын, Сіз кеткенде, мен ерекше мұңайдым. Тастап кеткен Орныңызға оралып, Президент боп келсеңіз деп сұраймын.
Әрине, өлеңді өзі құсап оқу бізге қайдан...Оның үстіне ол өз-өзіне Абайдай ұлы ақынмын деп әлдеқашан баға беріп қойған.
СНХ: Басқа ақындарды оқымайды. Қазақ поэзиясы нөмірі бірінші боп мен тұрмын. Оқылым жағынан Абайдаың алдына шығып кеттім деп есептеймін.
ЗКТ: Ақтөбелік жас ақын өлең жазып қана қоймай биліктегілерге ұсыныс жасауды да әдетке айналдырған. Бірақ онысы осы мүлдем ескерілмей қалады. Мәселен, Астананың атауы әне өзгереді, міне өзгереді деп жүрген шақта кеудесін керіп алға шықты. Әрі бірнеше ат ұсынды. Оның ойынша елорданы Нұрсұлтансалған немесе Нұрсұлтан-Қорған деп атау керек екен. Аааа айтпақшы ол ұсынған тағы бір ат бар екен ғой. Нұрсұлтан-ата.
СНХ: Қасым-Жомарт Кемелұлы, өзіңіз Темірқазық...әнінен үзінді
ЗКТ: Балтабек ақын тек Назарбаевты ғана емес, Тоқаевты да қатты жырлайды. Тіптен оны Темірқазық деп атап, осылай ән де шығарып тастаған. Енді ескерткішін тұрғызу керек деп отыр. Бұл идея өткенде астанада бой көтерген Елбасы ерскеткішіне байланысты туындаған сияқты. Фейсбуктегі парақшасында жазуынша ол ашық аспан астында орналасқан Елбасы ескерткішін ұшып жүрген әртүрлі құстар сыңғыртып, бүлдіріп кетпей деп жәмәәән уайымдайды екен. Сол себепті ол жұрттан сүйінші сұрап отыр. Әлгі проблеманың шешімін тауыпты. Елбасы ескерткішінің жанына Тоқаевтың қол шатыр ұстап тұрған ескерткішін орнату керек дейді. Оның ойынша бұрынғы және қазіргі Президент ерскерткіштерінің қатар орналасуы әдептілік пен әділдіктің нышаны болмақ. Менің ұсынысымды қолдайсыздар ма деп жазыпты ол жазба соңында.