Рет қаралды 5,189
အနုပညာ ခရီးစဉ်တစ်လျှောက်.. ၂၀၁၀ မှ ၂၀၂၄ ဆီသို့
ကျနော့်ရဲ့ အနုပညာလှုပ်ရှားမှုလေးတွေကို တချို့ကလည်း သိသလို၊ မသိသေးတဲ့သူတွေလည်းရှိတာပေါ့နော်။
ကျနော်က ၂၀၀၈ ခုနှစ်မှာ မော်ဒယ်သင်တန်းစတက်ခဲ့ပြီး၊ ၂၀၁၀ မှာ သီချင်းတွေ စတင်သီဆိုဖြစ်ခဲ့ပါတယ်။
၂၀၁၀-၂၀၁၁ ခုနှစ် ၂ နှစ်အတွင်း အတွဲခွေ (Group Album) တော်တော်များများမှာ ပါဝင်သီဆိုခွင့်ရခဲ့ပြီး ၂၀၁၂ ခုနှစ်မှာ ပထမဆုံး တကိုယ်တော်အခွေ (ကွန်ထရိုး - Control Album) ကို ထုတ်ခဲ့ပါတယ်။ ၂၀၁၅ မှာ ဒုတိယ တကိုယ်တော်ခွေ (ပျိုချစ်မောင် Album) ထွက်ခဲ့ပြီး ၂၀၁၃-၂၀၁၈ လောက်ထိကို သီချင်းတွေ တစ်ပုဒ်စ နှစ်ပုဒ်စလောက်ထွက်ပြီး ကျောင်းတက်ရင်း၊ စီးပွားရေးအသေးလေး လုပ်ရင်း ဖြတ်သန်းခဲ့ပါတယ်။
၂၀၁၉-၂၀၂၀ ခုနှစ်မှာတော့ စီးပွားရေးအသေးလေးနှင့်အတူ Heinn, The Men's Looks ဆိုတဲ့ Page လေးတစ်ခုစတင်တည်ထောင်ဖြစ်ခဲ့ပြီး Men Lifestyle အကြောင်းအရာတွေ ဝေမျှခဲ့ဖူးပါတယ်။ တခါတရံလည်း အဲ့ page ကနေတင်ဖြစ်ပါသေးတယ်။
၂၀၂၁ လောက်မှာ Food Video တွေလုပ်ဖြစ်ရင်းနဲ့မှ ၂၀၂၂ နှစ်ကုန်ပိုင်းကစလို့ ထိမိဂွိ စားသောက်ကုန်တွေ စတင်လုပ်ဖြစ်လာခြင်းဖြစ်ပါတယ်။