အရင်အခါတွေတုန်းကတော့ အန္တာတိကတိုက် နဲ့ အာရှတိုက်တွေရဲ့ အကြောင်းကို ဝေမျှခဲ့ပြီးပါပြီ။ ဒီတခါတော့ ဥရောပတိုက်ရဲ့ အကြောင်းကို ထပ်မံဝေမျှလိုက်ပါတယ်။
ဥရောပတိုက်ဟာ သြစတြေးလျတိုက်ရဲ့နောက် ကမ္ဘာပေါ်မှာ ဒုတိယအငယ်ဆုံးတိုက်ဖြစ်ပါတယ်။
စတုရန်းမိုင်ပေါင်း ၃.၉၃ သန်းခန့်ကျယ်ဝန်းပြီး ကမ္ဘာ့ကုန်းမြေဧရိယာ စုစုပေါင်းရဲ့ ၆.၈% ကို ရယူထားတဲ့ တိုက်လည်းဖြစ်ပါတယ်။
လူဦးရေ ၇၄၅ သန်းခန့် နေထိုင်တဲ့တိုက်ဖြစ်ပြီး အာရှတိုက် နဲ့ အာဖရိကတိုက် တို့ရဲ့နောက် ကမ္ဘာပေါ်မှာ တတိယ လူဦးရေ အများဆုံးတိုက်လည်းဖြစ်ပါတယ်။
ကမ္ဘာ့ အကျော်ကြားဆုံး အင်ပါယာကြီး အချို့ဟာ ဥရောပမှာ စတင်ခဲ့ပြီး ဒီအထဲမှာ ရောမအင်ပါယာ ၊ ဗြိတိန်အင်ပါယာ ၊ စပိန်အင်ပါယာ နဲ့ ရုရှားအင်ပါယာတွေက အကျော်ကြားဆုံး ဖြစ်ပါတယ်။