Рет қаралды 28
"Абайлаңыз балалар". Жолда тұратын бұл жол белгіні білмейтін жүргізуші кем де кем. Әйтсе де өңірде жол апатынан зардап шегетін бала саны азаяр емес. Жол жүру ережесін балаларға балабақшадан үйреткен дұрыс. Бала қауіпсіздігіне үйде ата-ана жауапты болса, білім ұйымдарында мұғалім түсіндіріп отыруы тиіс. Бүгінгі шараның мақсаты да осы. Балаларды жолда жүргенде сақтыққа шақыру, жол ережелерін үйрету.Шараға қаладағы 4 мектептен 10 оқушыдан қатысты. Слет 5 бөлімнен тұрады. Саптық байқау, жол қозғалысын ретке салу, жол ережесінің білімпазы, жас санитар мен үздік велосипед жүргізушісі. Сонымен қатар, жолда жүру ережелері, балалардың қатысуымен орын алатын жол-көлік оқиғаларының алдын алу, жол қозғалысы қауіпсіздігін қамтамасыз ету мақсатында балаларға профилактикалық түсіндіру жұмыстары да жүргізіліп, сұрақ-жауап ұйымдастырылды.Байқау қорытындысы бойынша жүлделі 1,2,3 орын иелеріне грамоталар мен кубок берілмек. Ал жеңімпаз команда байқаудың облыстық кезеңіне жолдама алып, кейін республика көлемінде облысымыздың намысын қорғайды.
Сайт телеканала www.rikatv.kz/
Twitter / rika_kz
Вконтакте rikatv