Народная адыгская песня Абихъан Иорэд
Сэхътан цуакъэхэри тэпыплъ,
Уихьани, плъагъум уимыкl,
Къэзэныкъо шъуи Абэдзэпщи.
Шъорджэ зыlыгъхэри шъхьэджашъу оо... си орэда
Наурзэ нэшъухэр шхъорыд,
Къэсэй тхьэгъэпцlыми зэхехы,
Къэзэнэкъуи шъыу Абэдзэпщи.
Цокъэзэкlадэмэ сыряныс, оо... си орэда
Гу зыкlоцlымысымэ сырятещ,
О, сызэрэнысэуи сэкlожьи,
Сызэрыпщащэуи сэкlуэжьи,
Дахэ мыгъор Абихъан.
Сипхъэцокъэшхоми орэ-уа, оо... си орэда
Дахэу сырэкlомэ орэ-уа,
Хьаджэм-и къоджэшхоми сэкlожь,
Дахэ мыгъори Абихъани.
Сипхъэцокъэшхохэр фарэгъуи, оо... си орэда
Сызэрэпшъэшъабгъэуи сэкlожьы,
Сызэрэнысэуи сэкlожьы,
Дахэ мыгъори Абихъани.
Гъукlэлlы пстэумджэри шъузылl, оо... си орэда
Шъэохъум дэжькlэ шъулlагъи,
Дахэ мыгъори Абихъани.
Салымы пхъуатэри ныlуехи, оо... си орэда
Шэхэмэ lахьэхэр сэхьыжьы,
Дахэ мыгъор Абихъани.
Сидышъэ паlохэри орэд, оо... си орэда
Мэзэжъым фэдэмэ орэ-уа,
Мэлыжъым фэдэуи сэкlожь.