Рет қаралды 18,292
/ zeyvekendi
Qədim Şabran torpağında bir yurd yeri də Zeyvə kəndidir. Sıx meşələrin, yaşıl ormanların qoynunda binə-bölgə bağlamış bu ucqar dağ kəndi rayon mərkəzindən təxminən 35 kilometr uzaqlıqdadır. Yaşı az qala VI-VII əsrlərə gedib çıxan Zeyvə kəndinin adının mənasını araşdırıcılar "künc, bucaq, güşə" (cəmiyyətdən uzaq) kimi yozurlar.
Bəlkə də bir vaxtlar elə beləcə də olub. Lakin uzaq Zeyvənin adı əsrlərin uzaqlığında Avropa ölkələrinə yaxın olub.
Yeddinci yüzilliyin salnaməçisi, alban tarixçisi Musa Kalankaytuklu "Ağvan tarixi" əsərində yazır ki, Azərbaycanın şimal hissəsində ipək parçalar və müxtəlif rəngli parlaq xalçalar hazırlanır.
Toxunduğu kəndin adı ilə məşhur olan "Zeyvə" çeşnili xalçalar da Avropa rəssamlarının bir sıra məşhur tablolarında zinət vasitəsi kimi geniş istifadə edilib.
Sizə təqdim olunan bu video reportajda Zeyvə kəndinin 82 yaşlı ağsaqqalı Şahbaba Poladov müəllim kəndimizin adət ənənələrindən və gözəl təbiətindən danışır.