სიღნაღის რაიონის სოფელ მაღაროში მცხოვრებმა ლამარა ბეჟაშვილმა ბებიისგან ნასწავლი აბრეშუმის ჭიის მოვლა-პატრონობა წლების შემდეგ საქმედ აქცია და აბრეშუმის 21 ჭიიდან ბიზნესი დაიწყო. დღეს სახელოსნოც აქვს და წელიწადში 100 -დან 200 კილომდე ძაფს და სხვადასხვა პროდუქტს აწარმოებს. აბრეშუმის საწარმოში მეწარმე ქალი სხვადასხვა პროდუქტს: ჭუპრის ზეთს და წყალს , ძაფს, თავშლებსა და ბავშვის ტანისამოსს აწარმოებს. სხვათაშორის სიღნაღში დაწყებული საქმე მხოლოდ ადგილობრივ ბაზარს არ დასჯერდა და პროდუქტი ექსპორტზე, მსოფლიოს სხვადასხვა ქვეყანაში გადის გასაყიდად. ჩვენი მეაბრეშუმე მეწარმე, აგროტურიზმშიც თავის სახელს ტოვებს. აბრეშუმის ჭიის სანახავად მისულ ტურისტებს ძველი ქართული, მონასტრული წესით, აბრეშუმით დავარგებული ღვინით უმასპინძლდება. რომელსაც, ადგილზე აწარმოებს. იმისთვის,რომ მეაბრეშუმეობა განვითარდეს ,აბრეშუმის ჭიის მოვლისა და ძაფის წარმოების ტრადიცია არ დაიკარგოს, ლამარა ბეჟაშვილი სოფელში მცხოვრებ ახალგაზრდებს მეაბრეშუმეობასაც ასწავლის.
სტუმრები: ნინო ზამბახიძე - “საქართველოს ფერმერთა ასოციაცია, თავმჯდომარე;
ლამარა ბეჟაშვილი - მეაბრეშუმე.