Ўтган ҳафта Толибон Афғонистонни ўз назоратига олганидан буён ўзбекистоннинг нотинч жанубий қўшниси билан чегарада илк ўқ узилди. Президент Мирзиёев чегарани бузиб ўтишга уринган шахс “наркабарон” экани ва ҳодиса бир ўзбек аскарининг умрига зомин бўлганини айтди.
Наманганда сайловчилар билан учрашув чоғида гапирган Мирзиёев қурбон бўлган аскарнинг наманганлик эканини айтиш билан чекланди. На чегара қўшинлари, на мудофаа кучлари ҳодиса тафсилотларини очиқлагани йўқ.
Ҳодиса манзарасида Афғонистондаги толиблар билан дўстлик ва иқтисодий борди келдилар ҳақида гапираётган Мирзиёевнинг оҳанги қатъийлашгани кўринди. Ўзбекистон раҳбари чегараларни қурол билан ҳимоя қилишга тайёр эканликларини урғулади.
Ўзбек расмийлари бунгача қилган баёнотларида Толибон Афғонистонидан келадиган хавфсизлик ва гиёҳванд моддалар таҳдидини четлаб ўтаётганди.
Айни пайтда таҳлил марказлари, Афғонистонда наркотик моддалар ноқонуний савдосига оид хатар ҳам ошганини эътироф этмоқда.
***
O‘tgan hafta Tolibon Afg‘onistonni o‘z nazoratiga olganidan buyon o‘zbekistonning notinch janubiy qo‘shnisi bilan chegarada ilk o‘q uzildi. Prezident Mirziyoev chegarani buzib o‘tishga uringan shaxs “narkabaron” ekani va hodisa bir o‘zbek askarining umriga zomin bo‘lganini aytdi.
Namanganda saylovchilar bilan uchrashuv chog‘ida gapirgan Mirziyoev qurbon bo‘lgan askarning namanganlik ekanini aytish bilan cheklandi. Na chegara qo‘shinlari, na mudofaa kuchlari hodisa tafsilotlarini ochiqlagani yo‘q.
Hodisa manzarasida Afg‘onistondagi toliblar bilan do‘stlik va iqtisodiy bordi keldilar haqida gapirayotgan Mirziyoevning ohangi qat’iylashgani ko‘rindi. O‘zbekiston rahbari chegaralarni qurol bilan himoya qilishga tayyor ekanliklarini urg‘uladi.
O‘zbek rasmiylari bungacha qilgan bayonotlarida Tolibon Afg‘onistonidan keladigan xavfsizlik va giyohvand moddalar tahdidini chetlab o‘tayotgandi.
Ayni paytda tahlil markazlari, Afg‘onistonda narkotik moddalar noqonuniy savdosiga oid xatar ham oshganini e’tirof etmoqda.
Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |
#Ozodlik #Kobul #Afghanistan #Mirziyoyev