Рет қаралды 8,839
နိုင်ငံသစ်တစ်ခု ထူထောင်နိုင်ရေး အိန္ဒိယ ခေတ်သစ်သမိုင်းထဲ စစ်၊ တော်လှန်ရေး၊ လွတ်လပ်ရေးတိုက် ပွဲ စသည်ဖြင့် အကောင်းနဲ့အဆိုးတို့ အရောင်အသွေးစုံစုံညီညီနဲ့ ရောပြွမ်း ပါလာခဲ့ပါတယ်။ ပထမ ကမ္ဘာ့စစ်၊ ဒုတိယကမ္ဘာစစ်ကနေ၊ ဗြိတိသျှတို့ထံကနေ လွတ်လပ်ရေးတောင်းဆိုမှု၊ အင်ဒို-ပါကစ္စတန် စစ်ပွဲတွေထိ ဖြစ်ပါတယ်။ လွန်ခဲ့တဲ့ရာစုနှစ်တွေထိ ထွန်းသစ်စတိုင်းပြည်တစ်ခုထဲ ဆိုခဲ့သလို အကောင်းနဲ့အဆိုးတို့ ပေါပေါလောလော ဖြစ်နေခဲ့ပါတယ်။ ပထမကမ္ဘာစစ်မှာ အိန္ဒိယက ဗြိတိသျှ ကိုလိုနီ နိုင်ငံတစ်ခုပဲ ရှိပါသေးတယ်။ ဒါကြောင့် အိန္ဒိယကလည်း သုံးနိုင်ငံ မဟာမိတ်ဘက်အခြမ်းသို့ အလိုအလျှောက်ပါ သွားရပါတယ်။ အိန္ဒိယစစ်သည် တစ်သန်းကျော် စစ်မြေပြင်သို့ ရောက်သွားခဲ့ပါ တယ်။ အိန္ဒိယစစ်တပ်ဆိုတာက ကမ္ဘာ့အကြီးဆုံးစစ်တပ်တွေထဲက တစ်ခုဖြစ်ပါတယ်။ ဒုတိယကမ္ဘာ စစ်မှာတော့ ဗြိတိသျှတို့ ကွပ်ကဲမှုနဲ့ အိန္ဒိယစစ်သည် ၂.၅ သန်းကျော်တို့ စစ်မြေပြင်သို့ ရောက်လာ ကြပါတယ်။ ဒီစစ်ပွဲနှစ်ခုလုံးမှာ အိန္ဒိယတို့ လွတ်လပ်ရေး မရကြသေးတာဖြစ်လို့ ကိုယ်ပိုင်စီမံခန့်ခွဲ ပိုင်ခွင့် မရှိကြသေးပါ။ ဒီအဖြစ်အပျက် နှစ်ခုလုံးဟာ အိန္ဒိယသမိုင်းမှာ ထင်ရှားပြီး ဒီနေ့တိုင် အမှတ် တရ ဖြစ်စရာ အစိတ်အပိုင်းတစ်ခုအနေနဲ့ ရှိနေပါသေးတယ်။
ဗြိတိသျှတို့နဲ့ လက်ရည်တပြင်တည်း တိုက်ကြခိုက်ကြဖို့ အိန္ဒိယန်းသန်းနဲ့ချီလို့ စစ်မြေပြင်တွေဆီသို့ ရောက်လာခဲ့ကြတာ ဖြစ်ပါတယ်။ ဒုတိယကမ္ဘာ့စစ်ကို မဟာမိတ်တို့ အောင်ပွဲဆင်နိုင်ခဲ့ကြတယ် ဆိုပေမယ့် ဗြိတိသျှ အင်ပါယာကတော့ စုတ်ပြတ်သတ်သွားပါတယ်။ ဗြိတိသျှတို့ “ကိုလိုနီ တိုင်းပြည် တွေကို လွတ်လပ်ရေးပေးရမယ်” လို့ အမေရိကန်ပြည်ထောင်စုရဲ့ တောင်းဆိုမှုကို သဘောတူပေးခဲ့ ရပါတယ်။ ဒီသဘောတူညီမှုက အိန္ဒိယလွတ်လပ်ရေး တိုက်ပွဲတွေကို အရှိန်အဟုန်နဲ့ အားကောင်းလာ ဖို့ ဖြစ်စေခဲ့ပါတယ်။
Calcutta Sunset by E’s Jammy Jams