Рет қаралды 253,514
Жамбыл облысында айтқанға ауыз бармас жайт. Бір мектептің екі баласын жоғары сынып оқушысы жыныстық қатынасқа мәжбүрлеген дейді жәбірленушілердің ата-аналары. Естір құлаққа ерсі жағдайды айтпасқа болмады дейді. Өйткені жергілікті билік шара қолданудың орнына көз жұма қарауға көндіріп әлек. Енді ата-аналар зәбір көрді деген балаларын мектепке жіберуге үзілді-кесілді қарсы.
Ойын баласының ойында болмас жағдай осы мектеп оқушыларының арасында болған дейді ата-аналар. Қорлық көрді деген жеткіншектің бірі бірінші, екіншісі үшінші сыныптың оқиды екен. Баламның бойындағы өзгерісті соңғы кезде үлкен дәретін жіберіп қоятын жағдайға жеткен кезде байқадық дейді оқушылардың бірінің әкесі.
ЖӘБІРЛЕНУШІНІҢ ӘКЕСІ:
- Үлкен дәрет жіберетін жағынан өзім зақым келді деп ойлап тұрмын. Өйткені баланың қазіргі кезі басқа, өткендегі кезі басқа болып тұр. Қазір барлық сөзін айтқаннан кейін уже ұялмайды. Бойына жіберсе, мен жібердім деп айтатын болды.
Әуел баста секеміне сенбеген әкесі сөз суыртпақтап көрген. Сөзінше, кейін баласы болған жайды, оқиға орнын тәппіштеп айтып берген. Ауыл ішіндегі ескі қора мен мына ірге тастың ішінде бұл жағдай былтырдан бері тұрақты жалғасып келген дейді. Ұлының сөзінен жәбір көрген жалғыз өзінің баласы емес екенін ұққанын айтады. Оқушы өзінен екі жас үлкен тағы бір ауылдасын айтып қалыпты. Азаматтың айтуынша, үшінші сыныпта оқитын ол оқушы да бұл жағдайды сол қалпында растапты.
ЖӘБІРЛЕНУШІНІҢ АНАСЫ:
- Бізде кафе бар ғой бұзылған. Сол жаққа апарып тиіседі екен. Жыныс мүшесін көрсетеді екен. Біз негізінде ешкімге жала жауып отырған жоқпыз. Не мектепке, не ата-анасына, не балаға. Тек білейік ақ-қарасын. Баланың құқығын қорғасын.
Ал жергілікті билік болған жайтты басқа арнаға бұрып әлек деп ашулы ата-аналар. Ың-шыңсыз, у-шусыз шешіміне де көнген. Тек зәбір көрсеткен оқушымен бір мектепте оқуға түбегейлі қарсылықтарын білдірген. Бірақ бұл талабын елемей, жайсыз жайды жаба салуға жанталасып жатыр дейді.
ЖӘБІРЛЕНУШІНІҢ ӘКЕСІ:
- Талабым: ауылда бала көз алдымда жүрмесе екен деймін. Ол көшіп кету мәселесі. Өйткені балалар бір-бірін көрмесе екен деймін.
НҰРАЛЫ СЕЙДАХМЕТ, «Ақшолақ» орта мектебінің директоры:
- Медициналық сараптамалар сол кезде жасалынды. Қазіргі таңда зерделеу жұмыстары жүргізіліп жатыр. Соңына дейін әлі зерделенеді. Қазіргі таңда нақты дәлел, ақпарат жоқ.
Қазір осы іске қатысты ішкі істер бөліміне шағым түскен. Бірақ сараптама расталмай іс қозғауға әлі ерте дейді.
ҚҰНДЫЗ БӨГЕНБАЕВА, Жамбыл облысы ПД-нің ресми өкілі:
- Байзақ ауданының полиция бөлімімен тексеру жұмыстары басталды. Кәмелетке толмаған 6 және 8 жастағы балалар аудандық орталық ауруханаға жеткізіліп, оларды тексеру барысында жарақат белгілері анықталмаған. Алайда, олардың ата-аналарынан арыз алынып, тіркелді. Қазіргі уақытта 10 жасар 5-сынып оқушысына қатысты тексеру амалдары жүргізілуде, қосымша аудан әкімдігі жанындағы кәмелетке толмағандар комиссиясында қаралатын болады.
Ерінбегеннің бәрі есік қағып ауыз ашпауға көндіруде деген екі жеткіншектің ата-анасы істің ақ-қарасы ашылатынына күдігі бар. Сондықтан сараптаманы Алматы барып анықтауға құлықты.
Нұрадин Рақай, Дәулетбай Нұрмахан
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#мектептегі_зорлық #педофилия #тергеу