Рет қаралды 260
Бұл бақша - негізінде Маңғыстаудағы балық кәсіпшілігінің патриархтарының бірі, көпес Захар Кузьмич Дубскийдің дачасы болған. 1850-жылдары ішкі Ресейден, Астраханнан келген қоныс аударушы орыстарды ұйымдастырып, осы маңда балық кәсіпшілігін ашқан бұл кісі осы бақты Қаңдыбай деген қазақтан 300 рубльге сатып алыпты. Оны Есбол Өмірбаев жазған. Захар Кузьмич осы бақшаны иемденгесін Қаңдыбайды бақшаның күтушісі қылып алғанға ұқсайды.
Захар Кузмичь туралы қызық әңгімелер өте көп, жергілікті балықшыларға көп көмегін көрсеткен, Захар және Кузмичь деп балдарына есім де қойған, бұл кісілер әкемнің құрдастары.
1918-1920 жылдар аралығында қалада Кеңестік билік орнап, ревком құрылғанда Захар Кузьмич иелігіндегі барлық дүниесін үкіметке тапсырып, өзі Дағыстан еліне кетеді. Бақшада кейін «Арай» атты пионер лагері ашылады. Бала кезімде сол лагерьде болғанмын. Бұл лагерь 1990-жылдарға дейін істеп тұрды.
Кейін жазда келіп, жайнап тұрған бақшада демалушы едік.
Қазір жекеменшікте, қараусыз жатыр.