Қазақтың жақсы қасиеттерінің бірі - жомарттық пен кеңпейілділік. Адамзатқа қызмет атқарып, жақсылық жасау - пейілді жанға тән сипат. Жомарт болу - өзіңде барды зәру адаммен шын жүректен бөлісу.Наурыз мейрамы қарсаңында Ақмола облысы Ішкі саясат басқармасының «Қоғамдық даму орталығы» КММ ұжымы «Қайырымдылық акциясына» қатысып, өз үлестерін қосты.Игі шараның мақсаты - қоғамда адамгершілік, кеңпейілділік, мейірімділік, жомарттық сезімдерін қалыптастыру. Әлеуметтік жағдайы төмен адамдарға, аз қамтылған отбасыларға көмек көрсетіп, қол ұшын беру.Акция қарсанында Орталық ұжымының қызметкерлері Көкшетау қаласының тұрғыны Алла Золотухинаның шаңырағына барып, Наурыз мерекесімен құттықтады. Қарияның денсаулығын мен қал-жағдайын сұрастырып, әңгімеге тартты.Кездесу барысында Алла Михайловна арнайы келген қонақтарды жылы қарсы алып, өз ілтипатын білдірді.Сөз барысында Алла Золотухинаның жалғызбасты, қамқорға зәру екенін білдік. Осы орайда қазақ халқының кеңпейілдігін көрсете отырып, апарған азық-түлікті табыстап, Апайға барынша құрмет көрсетілді.