Ақтөбе облысында сұйытылған газ сатумен айналысатын кәсіпкерлер бүгін тағы наразылықа шықты. Сөздерінше Ақтөбе билігі Президент Қасым-Жомарт Тоқаевтың тапсырмасын орындамайды. Жиналғандар облысқа бөлінетін газ көлемі шағын бекеттерге осымен үшінші ай қатарынан бұйырмай отырғанын айтады. Оның үстіне қаңтар айынан бастап газдың бір литрін 50 теңгеге дейін түсірген үкімет, газ сатумен айналысатын кәсіпкерлерге сұйытылған газды делдалсыз зауыттан тікелей алуға мүмкіндік берген. Алайда Ақтөбе әкімдігі барлық мүддені тек ірі көлемде газ сататын ұйымдарға үлестіріп отыр дейді.
Осыдан тура бір ай бұрын газсыз қалдық деп әкімдіктің алдына наразылыққа шыққан кәсіпкерлер бүгін тағы жиналды. Олар жергілікті билік "наурыздан бастап облысқа бөлінген газ барлық бекеттерге тең беріледі" деген уәдесінде тұрмады деп ашулы. Сөздерінше, Президент тапсырмасы бойынша газ құю бекеттері сұйытылған газды зауыттан тікелей барып алуы керек. Алайда әкімдіктегілер араға делдал салуды әлі тоқтатпай отыр. Соның кесірінен шағын бекеттер шығынға белшеден батып отыр дейді.
АҚЫЛБЕК НҰРҒАЛИЕВ, кәсіпкер:
- Ақтөбе газ құю стансаларының бәрінде автокөліктері бар. Солардың өзінің тасып алу құқынан айырып отыр басқарма. Президенттің айтқаны делдалсыз зауыттан тікелей халыққа жету керек. Бұл жерде бір емес, екі делдал. Біріншісі топтық газ құю стансалары, екіншісі автогаз заправкалары. Сонда біздің сұйытылған газ, өзіміздің Ақтөбеден шыққан газ бізге екі делдал арқылы жетіп отыр. Біздің талабымыз, энергетика басқармасы жергілікті газ құю стансаларына зауыттан автогазды тікелей өз көліктерімен алуға мүмкіндік беру.
САҒЫНДЫҚ КІШКЕНБАЕВ, кәсіпкер:
- Газ заправкаларға тең беріледі деді. Бәрінде бірдей баға болады деді. Енді міне январьдан бастап осы уақытқа дейін мен бірде бір тонна газ алған емеспін. Мен сияқты кішкентай заправкалары барлар көп. Біздер 20-30 тоннандан артық сата да алмаймыз біріншіден. Екіншіден бізге 100-150 тонна бөлінетін болса әр заправкаға олар өздері алып алады. Мысалға бір Лидердің өзінде 15-20 заправкасы бар.
Кәсіпкерлер газ сату ұйымдарының мүддесін қолдап отырған шенеуніктер біздің энергетика министрлігіне жазған хатымызды да жібермей отыр дейді. Ал әкімдіктегілер министрліктің ережесіне сәйкес, сұйытылған газ қоймасы бар бекеттерге ғана бөлінетінін айтады. Егер осы ережені өзгертсе ғана кәсіпкерлер зауыттан тікелей алады дейді.
НҰРТАЙ СЕРТБАЕВ, Ақтөбе облысы энергетика және тұрғын-үй коммуналдық шаруашылығы басқармасы басшысының орынбасары:
- Министрлік бізге жақында ғана ережеге өзгертулер енгізуге болады деп хабарлама берді. Енді қазір осы сұрақты МВК-ға жіберу керек. Оны шешетін біз емес, жергілікті атқарушы орган емес. Оны министрлік шешу керек. Өзгеріс енгізгеннен кейін бізге түсіреді. Әрі қарай өзіміз әзірлейміз.
Өзгерісті Нұр-Сұлтаннан күтіп отырған әкімдіктегілер, жоғарыдан хабар келмей әзірге ештеңенің өзгере қоймайтынын айтады. Ал кәсіпкерлер жергілікті биліктен сұйытылған газды зауыттан делдалсыз тікелей барып алуға мүмкіндік берсін деп талап етіп отыр.
#Ақтөбе #Газ #Наразылық #Тоқаев #Каңтар #Кәсіпкер #Көлік #Авто #Заправка #Акимат #Нұр-Сұлтан #Билік #Делдал
.
.
.
.
Бізді әлеуметтік желіде оқыңыздар:
KZfaq - / @informburo31kanal
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
WhatsApp Информбюро +7 777 331 31 31
#алматы #ахуал #казахстан #Информбюро #Ақиқатын_Айтайық #ИнформбюроЖаңалықтары #БүгінгіЖаңалықтар #БастыЖаңалықтар