Рет қаралды 10,053
Ақтауда салынып жатқан көпқабатты үй салымшылардың көзінше сүрілді. Баспанаға алдын ала қаржы құйғандар құрылысты бұзу жұмыстарына кедергі жасауға тырысқанымен нәтиже болмады. Себебі, құрылыс компаниясының рұқсат құжаты жоқ, үйді заңсыз тұрғызған екен. Салымшылардың алдағы жағдайы не болады? Олар қаржыларын қайтара ала ма? Толығырақ әріптесім Махаббат Нұржанқызы айтып берсін.
Жаңа үйге ақша салған салымшылар алдағы жылы қоныстойын тойламақ болған. Бірақ олардың жоспары жүзеге аспады. Себебі, бұл бес қабатты үй рұқсатсыз салынып жатыр екен. Сондықтан мамандар техниканы әкеліп, көбі бітіп, азы қалған нысанды әп-сәтте қиратып салды. Ал халық тірнектеп жинаған ақшамыз күлге ұшты деп қапалы.
ЕРГЕШБАЙ ӘЛМҰРАТОВ, салымшы:
- Мен 8 миллиондай салдым. Қанша қаражат кетті, халық далада. Ақшаны ешкім қайтарып бермейді. Салып беріп жатқан затты қайтадан бұзып тұр. Енді бұл халыққа өте қиянат қой.
Даудың басы алғашқы құрылыс компаниясы салымшыларды тақырға отырғызып кеткенде басталған. Жиналғандардың сөзіне сенсек үйді салуы тиіс болған кәсіпкер сотталып кеткен. Ал, үйді салуға кіріскен жаңа компанияның басшысы бір жыл ішінде 9 рет құжатты рәсімдеуге тырысқанын жеткізді.
СЕРІК САБЫРБАЕВ, құрылыс компаниясының басшысы:
- Мына үйді мен өз еңбек теріммен, мына халықтың ақшасымен салынған заты. Возможность беріңдерші. Бұны бұзып тастап қайтадан салғанда не өзгереді? Ештеңе де өзгермейді. Гос экспертизадан өткізейік. Осы үй пригоден болса неге рұқсат бермеске? Неге бұзады мен түсінбеймін?!
Шенеуніктер соттың шешімімен үйді бұзғандарын айтады. Өйткені, компания ескертуімізді елемей, тиісті құжаттарды өткізбеді дейді.
ДӘУРЕН ӨТЕПҚАЛИ, Маңғыстау облыстық мемлекеттік сәулет-құрылыс бақылау басқармасының басшысы:
- Осы күнге дейін кәсіпкер ешқандай рұқсатнама құжаттарын алған жоқ. Одан бөлек біздің берген нұсқаманы елеген жоқ. Біздер сот органдарына сапасына ешқандай кепілдік бере алмаймыз, сол себепті сот органдарына бұл обьектіні бұзуға талап-арыз жолдадық. Сот шешімімен қанағаттандырылды, заңды күшіне енді.
Атқамінерлер салымшылар құйған қаражаттарын кәсіпкерден құқықтық тәртіппен өндіріп алуы керек деп отыр.
Бізді әлеуметтік желіде оқыңыздар:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
Vkontakte - informburo31
TikTok - www.tiktok.com/@informburo31
Біздің сайт: www.31.kz және www.informburo.kz
Біздің WhatsApp +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал