Ақтаудың жаңадан салынған жүргіншілер жолы Гиннестің Рекордтар кітабына енуі мүмкін. Өйткені, су жаңа веложолдың ашылғаны күні кеше ғана еді. Бірақ, арада тіпті, 24 сағат өтпей, әлгі жол бүгін қақ ортасынан опырылып түскен. Алайда, бюджеттен бөлінген сіз бен біздің 45 миллион теңгемізге салынған жарамсыз жолды қалпына келтіруге асығып отырған ешкім байқалмайды. Өйткені, сапасыз жол үшін қатаң жазаға тартылатын заң ол басқа елдерде. Ал, біздегі компаниялар бір жұмысты екі рет істеуге әдеттеніп алған сияқты.