Рет қаралды 21,792
5-6 қазан күндері «Астарлы ақиқат» эфирінде көрсетілген «Балалы бала» шығарылымы көпшілік көрерменді бей-жай қалдырмағаны рас.
Жамбыл облысы Шағалалы ауданының 15 жасар тұрғыны Мунира өзінің ауылдас ағасы Жалғас Оспановтан жүкті болғанын айтқан еді. Бірақ айыпталушының ағайын-туысы "Жалғасқа жала жабылды, өзі мүгедек баланың қойдан басқа қызығы жоқ" деп, істің ақ қарасын ажырату үшін Астарлы ақиқаттан көмек сұраған болатын.
Бағдарлама барысында айтылған айғақтар мен күрделі ДНК нәтижесі істің шикілігін көрсетті. Түсірілімнен кейін аталған іс бағдарламаның тұрақты сарапшысы, заңгер Ғабит Өмірбектің һәм журналистердің қадағалауында болды. Құқықтық көмек пен халықтық қолдау тапқан Жалғас Оспанов бүгінде үйқамаққа шығып,отбасына оралды. Бұл іс әлі де біздің, әрі заңгерлердің жіті қадағалауында.
Көпшілік көрермен әлі күнге дейін Жалғастың қазіргі өмірі жайлы сан сауалын редакциямызға жолдайды. Осы орайда біздің тілшілер Жалғастың үйіне арнайы барып, қазіргі жағдайымен танысып келді.