Алланың сізбен бірге болуы, бұл өміріңізде сізге ешқандай қиыншылық келмейді деген сөз емес. Менің ұстазым бұны өте әдемі сипаттайтын еді. "Алламен бірге болу - бұл кемемен толқындары жоқ теңізде жүзу дегенді білдірмейді. Керісінше, Алламен бірге болу - бұл теңіздегі алып толқындар мен дауылдардың сені қирата алмауы",- дейтін. Алламен болу деген осы.
Сынақтар тоқтамайды, келе береді. Бірақ қашан олар келген уақытында, сіз ешқандай дауыл ала алмайтын кеменің ішіндесіз. Себебі Алла сізбен бірге!
Өзіңізге былай деңіз "қандай жағдай болса да барлығы Алла Субхәну Уә Тағаланың қалауымен. Алла Тағала осы жағдайлардың барлығын мен туылмай жатып білген. Өмірімде болып жатқан қиыншылықтар... иә Алла мен басыма қиындық сұрамаймын, бірақ мені сынауды қаласаң ,мен сабыр етемін.
Себебі сол үшін мені мол сауапқа бөлейтініңді білемін".
Дүниедегі Аллаға сенім артқан, тәуекел еткен әрбір адамды Жаратушымыз ешқашан жерге қаратпайды. Ешқашан.