Кадрлық ауыс-түйіс. Алматы облыстық ішкі саясат басқармасына жаңа басшы тағайындалды. Бұл қызметке облыс әкімінің өкімімен Ерік Әзілжанұлы Әбитов лайық деп танылды. Ерік Әзілжанұлы 1979 жылы туған. 2001 жылы Орталық Азия университетін құқықтану мамандығы бойынша тәмамдаған. Еңбек жолын Жетісу заң колледжінің мұғалімі болып бастаған. Әр жылдары Алматы облысының «Бірлік» жастар қауымдастығының атқарушы директоры, Алматы облысының аумақтық сайлау комиссиясы төрағасының орынбасары, Еңбекшіқазақ ауданы әкімі аппаратының бас маман-заңгері, «Есікгеосәулет» кәсіпорнының заңгері, директоры қызметін атқарған.