БІЗДІҢ KZfaq АРНАҒА ТІРКЕЛІҢІЗ: www.youtube.com/@informburo31...
---------------------------------------------
Алматы облысында оқушылар қабырғалары сөгілген мектепте білім алуда. Пайдалануға берілгеніне он жыл да болмаған білім ордасы қазір құлаудың аз-ақ алдында тұр дейді ата-аналар. Жиналған тұрғындар орта мектепті жөндеу туралы бұған дейін талай мәрте айтқанбыз. Алайда, бұған бас ауыртқысы келмеген мамандардың кесірінен жер сілкінісі кезінде жарықшақтардың арасы одан әрі ашылып кеткен деп отыр. Бұдан бөлек мектеп басшылығы оқушылардың барлығына ысқырық тағып, үрейде жүрген жұртты одан әрі шошытыпты.
---------------------------------------------
Теңдессіз жобамызға көз салыңыз: • Сөздің шыны керек: [жу...
БАУЫРЖАН ЖАҚСЫМБЕТ, тілші:
- Білім ордасындағы бірнеше жыл бұрын пайда болған сызаттар жер сілкінісінен кейін тіпті ажырап арасы кеңейген. Көпшілік осыған дейін ешқандай шара болмағандықтан, енді нысан опырылып түсе ме деп алаңдаңдайды. Себебі, мектептің бірнеше қабырғасында пайда болған жарықтар ғимараттың іші-сыртынан да көрініп тұр.
ИНДИРА ӘБІШЕВА, Ащыбұлақ ауылының тұрғыны:
- Балаларымызды жіберуге қорқамыз. Жіберсек те жанымызды шүберекке түйіп отырамыз. Алдындағы жер сілкінісінен кейін ата-аналардың біразы жылап келіп балаларымызды алып кеттік. Біз қорқамыз, тағы да жер сілкінісі болса балаларымыз үйінді астында қала ма деп.
2013 жылы пайдалануға берілген мектепте бүгінде 2000-нан астам бала білім алады. Ал, бойын қорқыныш билеген ата-аналар ауылдағы жақын білім ордаларының барлығы толық болғандықтан, ауыстыру да үлкен қиындық тудырады дейді. Үреймен жүрген жұрт қабырғасы сөгілген мектеп басшылығы балалардың мойнына ысқырық пен жеке деректерін жазып іліп қойған. Бұл бойымыздағы күдікті тіпті күшейтті дейді.
МАДИНА КИБРИХАНОВА, Ащыбұлақ ауылының тұрғыны:
- Балаларымыздың мойнында свисток. Бейджик бүкіл данный жазылған баланың. ИИН жазылған, ата-анасы жазылған. Ол не мақсатта сұратылып жатқанын білмейміз. Біз дәл қазіргі жағдайда біз баламызды үйінділердің астынан іздеудің жолын іздеп жатқан секілдіміз.
Ата-аналардың наразылығынан кейін білім ордасына жауапты мамандар келді. Айтуларынша жер сілкінісінен соң ауданда 21 мектеп бүлінген. Олардың арасында екеуіне қазір сараптама тағайындалыпты.
ГҮЛДАНА САТИЕВА, Іле аудандық білім бөлімінің маманы:
- Көзбен шолу визуалды сараптама жасалынды. Ол сараптаманың қорытындысы келді. Енді сараптама қорытындысына сәйкес бұл мектептерді сейсмикалық апатты немесе апатты емес деп тану мақсатында дереу арада сейсмикалық тексеру жүргізуді ұсынды. 28:29 Бүгін-ертең ол комиссия келіп зерделеу жүргізеді.
МЕЙРАМГҮЛ ҚҰТКЕЛДИЕВА, Іле аудандық №20 мектептің директоры:
- Төтенше жағдай алдын алу кезіндегі ұсынымдар бар. Енді біз соны балаларға ата-ананың да өзінің ұсынысы ретінде балабақшада жасап жатыр, сіздер неге үндемей отырсыздар дегендіктен біз сол балалардың мойындарына сол ысқырықтарды ілдік.
Білім ордасының жағдайын көріп алаңдаған ата-аналар балаларын онлайн оқытуға ауыстыруды талап етіп отыр. Өйткені, қауіпсіздікке көз жеткізбей, мұнда дәріс өткізу қауіпті дейді. Ал, сараптама қорытындысы қандай болары алдағы уақытта белгілі болмақ.
---------------------------------------------
Біз барлық әлеуметтік желідеміз, тіркеліңіз:
Информбюро 31 / @informburo31kanal
Informburo kz / @informburokz2022
Facebook - / informburo31
Instagram - / informburo31
WhatApp - whatsapp.com/channel/0029VaDm...
TikTok - www.tiktok.com/@informburo31?...
Біздің сайт: www.31.kz және www.informburo.kz
#Информбюро #31арна #БастыЖаңалықтар #АқиқатынАйтайық