Рет қаралды 7,539
Алматының Әуезов ауданында ойын алаңында 5 жасар бүлдіршінді футболға арналған қақпа басып қалды. Салмағы ауыр спорт құрылғысы ойнап жүрген баланың беліне құлаған. Роман Носаченко кеше кешкісін ес-түссіз жағдайда ауруханаға жеткізілген, деп хабарлайды Azattyq Rýhy тілшісі.
Баланың ата-анасының айтуынша 2016 жылы салынған футбол алаңында қақпаның екеуі де беріктендірілмеген. Яғни жерге де, алаңды қоршап тұрған тор қоршауға да бекітілмеген. Бала қазір Алматы қалалық балалар шұғыл медициналық жәрдем орталығының жансақтау бөлімінде жатыр. Зардап шеккен баланың әкесі Антон Носаченконың айтуынша оқиға болғанда бүлдіршіннің анасы қасында болмаған.
Оқиға орнына полиция келіп, қазір оқиғаны тіркеуге алған. Ал Алматы қалалық балалар шұғыл медициналық жәрдем орталығының мамандары баланың жағдайы ауыр дейді. Бірақ есін жиған. Көптеген дене жарақаты бар, деді дәрігерлер. Балаға 4 маман жұмылдырылды. Бас-миында жарақат жоқ. Бірақ қатты соққыдан сол сан сүйегі сынған. Жарақаттары таңылды. Қазір баланың жағдайы ауыр бір қалыпты. Ота жасау қазір мүмкін емес. Алдағы аптада ота жасалуы мүмкін. Көкірегіне де тексерулер жүргіземіз. Жұлын-омыртқалары сау, деді Алматы қалалық балаларға шұғыл медициналық көмек көрсету орталығының қабылдау бөлмінің меңгерушіс і Мейіржан Құрманалиев.
Алматы қаласы Әуезов ауданының әкімі Сайран Сайфеденов жағдайдан хабардар екенін айтты. Қазір нысанды салған мердігер компанияның басшыларын ізеп жатқанын хабарлады. Футбол алаңы 5 жыл бұрын тұрғындар игілігіне берілген. «EC-EnergyQazaqstan» ЖШС 2020 жылы балалар алаңын күрделі жөндеуден өткізген. Ол жерде қауіпсіздік шараларының сақталмауы бойынша кінәлілер анықталатын болады, деді аудан басшысы.
Біздің сайт: azattyq-ruhy.kz
Instagram: / azattyq.ruhy
Facebook: / azatruhy
Telegram: t.me/azattyq_ruhy
Twitter: / azattyqruhy
Наш сайт: rus.azattyq-ruhy.kz/
Instagram: / azattyq.ruhy
Facebook: / azatruhy
Telegram: t.me/azattyq_ruhy
Twitter: / azattyqruhy