Рет қаралды 160,218
"Билікті басып алу жоспары алдын ала жасалған. Еліміз Алматыны бақылаудан шығарып ала жаздады". Бүгін президент айтқан бұл сөз - Алматыдан айырылып қалуға шақ қалдық деген сөз. Себебі, бейбіт шеруге шыққан елді - өздерінің арам әрекеттерін жүзеге асыру үшін тірі қалқанға айналдырғысы келгендер - бейбіт шеруді бүлікке айналдырды.
Қараңыздаршы, мынау Алматының Тәуелсіздік алаңы. Осындағы Тәуелсіздік монументінің алдына жиналғандардың арасындағы арандатушылар қала әкімдігіне қарай ұмтылды. Сол түні таңда, яғни 4 қаңтардан бесіне қараған таңда қала әкімдігін бүлікшілер басып алды. Ертеңінде өртеді. Дәл осы алаңның маңында орналасқан Сәтбаев пен Желтоқсан қиылысындағы Қазақстан ұлттық арнасының ғимаратына шабуыл жасалды. Алаңның түбінде орналасқан Евразия арнасы, Европа плюс, Русское радио мекемелері де тоналды, өртенді. Президент резиденциясына да шабуыл жасалды. Бұл - басы екен, одан өзге қаланың барлық полиция департаментінен бастап, барлық бөліміне бір мезгілде, ұлттық қауіпсіздік комитеті академиясына да шабуыл жасалған. Алматыда төртінші қаңтар күні басталған ереуілдер хронологиясын біздің тілшілер жасап көрді.