Алтықыз жайлауы Катонқарағай ауданында орналасқан. Баяғы өткен заманда осы тау баурайын мекендеген бір байдың алты қызы болыпты. Қыстың бір күні олар тойға барып келе жатқанда, кенет алай-дүлей қатты боран басталып, адасып кетеді. Жолда оларға қатыгез Қоңқай есімді шал кезігіп, жол сұраған қыздарды әдейі теріс жолға салып жібереді. Әбден тоңып, әлсіреген қыздар өлер халге жеткен сәтте алты құсқа айналып кетеді. Бір кебісін жоғалтып алған кенже қыз көкекке айналады да, бір аяғы қызыл қалпында қалады. Кейін ерке кенже қыз жұмыртқасын өзі баспай, апайларына бастырып алады екен дейді
Талантты жазушы Оралхан Бөкей осы аңызды негізге ала отырып, «Қар қызы» повесін жазған екен.