Рет қаралды 205
Жерлесіміз Алтынбек Аусағитов қазақ күресінен өткен Қазақстан кубогында топ жарды. Дүбірлі дода Алматы қаласында ұйымдастырылған. Төл күресімізден қарсылас шақ келтірмей, үздік атанған Алтынбек 100 келі салмақ дәрежесінде белдесті. Жарыс барысында теріскейлік палуан еліміздің түкпір-түкпірінен келген 5 жігіттің жауырынын жерге тигізді. Бозкілем шеберін алдағы уақытта түрлі бәсі биік жарыстар күтіп тұр. Айта кету керек, Алтынбек Аусағитов шілде айында өтетін "Қазақстан Барысы" турнирінде өңір намысын қорғайды.