Рет қаралды 16,503
Qida terroru və hormonlu qidalar
Dönərdən kolbasaya, kərə yağından pendirə, hətta toyuq ətinədək həyatımız təhlükədə ola bilər! Bəli, bu gün sizə həyatımıza daxil olan zəhərli qaidalardan danışacam. Yediyiniz qidalardan əvvəlki dadı ala bilmirsinizsə, bu videomuzu sona kimi izləyin.
“Bu qidalarda hormon varmı?”, “Qatqı maddəsi varmı?”, “Qoruyucu varmı?” yəqin ki son illər ən çox eşitdiyiniz sözlərdən biridir. Hər canlı yaşama davam etməkçün qidalanmağa məhkumdur. Orqanizmin ehtiyacı olaraq qidalar bunlardır:
1. Karbohidrat;
2. Protein;
3. Vitamin;
4. Minerallar;
Bunlar normal tərkibdə və normal ölçüdə sağlamlığımızın təməlidir. Amma tərkibindəki dəyişikliklər, dəyişən ölçülər xəstəliklərin qaynağıdır. Zərərli risklər müxtəlif başlıqlar altında toplanır:
Bioloji (bakteriyalar, viruslar, parazitlər, mikrotoksinlər, geni dəyişdirilmiş qidalar);
Fiziki (şüşə, metal, plastik, daş, xarici maddə, radiasiya);
Kimyəvi (pestisidlər, veterinar dərmanları, hormonlar, sənaye və mühit amilləri, qida qatqı maddələri);
Müəyyənləşdirilmiş tədbirlərə baxmayaraq, gəlirin artırılması məqsədilə qida sənayesində də bəzi hiyləgərliklərə əl atılır. Nəticədə, qida terroru gizlicə başlayır...
Qida terrorunun qruplaşdırılması
Mövzunun genişliyini və saatlarla müzakirə edəcək vaxtımız olmadığını nəzərə alaraq bir qruplaşdırma aparmağı uyğun bildim.
1. İnsan sağlamlığına birbaşa zərər vuran qidalar: içində kanserogen maddələr olan qidalar. Son illərdə Çində kütləvi şəkildə istehsal edilən uşaq yeməkləri, düyülər, radiasiyalı əkinçilik məhsulları, saxta spirtli içkilər bunlara daxildir;
2. Kənd təsərüfatı terorru: kənd təsərrüfatı məhsullarında boy və çəki artımını təmin etməkçün istifadə edilən hormonlar, dərmanlar. Bitki və heyvan mənşəli məhsulların həcmini artırmaq üçün verilən hormonlar ət, süd, yumurta, hətta yağ ilə mətbəximizə daxil olur;
3. Tərkibində olmaması gərəkən maddələrə sahib qidalar: donuz əti, donuz salası, inək əti adıyla satılan heyvan ətləri, kolbasalar saxtakarlığa məruz qalır. Yoxlamalar zamanı ətin tərkibində içalat, fərqli heyvan əti, sümük unu aşkar edilir;
4. İstehsalı və tərkibindəki maddələr baxımından zərərli olduğu iddia edilən, elmi araşdırmalara mövzu olan hazır qidalar: yüksək kaloriyə malikdirlər, şəkərlə zəngindirlər. Qoyulan xərcin əvəzində gəliri dəfələrlə artırmaq üçün bu məhsullara müxtəlif dadlandırıcılar, rəngləndiricilər, rəf müddətini uzadan kimyəvi maddələr qatılır. Bu cür əlavələr metabolizmanı alt-üst edir;
Görünür ki, ən məsumlar 4-cü qrupdakılardır. Lakin həqiqət başqa cürdür: ən təhlükəlisi elə məhz 4-cü qrupdur. Bu qrupdakılar üzümüzə gülə-gülə canımızı alırlar. Rəngbərəng şirniyyatlar, bol ədvalı kabablar, əlimizin altında hər zaman hazır olan konservlər qaç-qov həyatda dostlarımız kimi görünür... Əslində isə, ən qəddar düşmənimizdir. Onlar bizi az-az öldürürlər..
Hormonlu qidalar
Dünyada qida sənayesində hormon istifadəsinin tarixi 1960-cı illərədək uzanır. Təbii ki, doğru yerdə, doğru miqdarda istifadə edilən hormon insan orqanizmi üçün təhlükəli deyil. Lakin dozası artırılan sintetik hormonlar orqanizmdə asan parçalanmır, hüceyrələrimizin normal fəaliyyətinə mane olur.
“Bitkilərdə böyüməni və inkişafı nizamlamaq məqsədilə istifadə edilən, bitkilərdə sintezlənə bilən təbii maddələr” adlanan hormonlar dövrümüzdə qeyri-şüuri şəkildə qida sənayesinin ayrılmaz parçası halına gəlib. Səbəb isə günbəgün artan insan sayı, yəni ac qarınlardır...
Tez-tez yeyilən hormonlu qidalar orqanizmdəki hormon balansını pozur, immun sisteminin işinə mane olur, kökəlməyə, piylənməyə, hüceyrələrin zəifləməsinə, xərçəng riskini artırmağa gətirib çıxarır. Həmçinin, bunlara səbəb olur:
1) Yuxusuzluq;
2) Yorğunluq;
3) Baş ağrısı;
4) Ekzema;
5) Yaddaş itirilməsi;
6) Diqqət əksikliyi;
7) Depressiya;
8) İmmun sisteminin zəifləməsi;
9) Avtoimmun xəstəliklər;
10) Yüksək təzyiq;
11) Ürək-damar xəstəlikləri;
12) Öd daşı;
13) Xərçəng;
Hormonlu qidalar anaların südünə də təsir edir, hətta körpələrə də ötürülür. Oğlan uşaqlarında döşlərin böyüməsi, qız uşaqlarının erkən aybaşı olması hormonlu qidaların nəticələridir. İnsanlar hansı meyvənin, tərəvəzin hansı mövsümdə yetişdiyini unudublar artıq...
Hormonlu qidaları necə tanıya bilərik?
Müxtəlif hormonal əlavələrlə istehsal edilən qidaları ayırd etmək o qədər də çətin deyil. Qışın ortasında market rəfində çiyələk gördüyünüzdə, onun hormonlu olmasını anlamaq asandır. Çalışmalıyıq ki, meyvə-tərəvəzləri öz mövsümlərində istehlak edək.
Bunlara diqqət edin:
-pomidor çiyidsiz, sulu və boşdursa, hormonludur;
-balqabaq tumsuz, yaxud deformasiyalı tumlara malikdirsə, hormonludur;
-badımcanın içi süngərvaridirsə, toxumları yoxdursa, hormonludur;
-bibər həddən artıq böyükdürsə, ətlidirsə, içində toxumları yoxdursa, hormonludur;
-kartof əyri-büyrü, gözləri dərindədirsə, içi qaradırsa, hormonludur;
-qarpızda tum yoxdursa, rəngi parıldayırsa, hormonludur;