Рет қаралды 11,098
N te Kauabong ae nako (2 n Tuun 2020) ao e tewea ana moan maroro ma taan Kareke Rongorongo iaon #Kiribati te bwatei ae boou reirei ae Boutokaan Kiribati Moa (#BKM).
A bane n roko botaki n kareke rongorongo iaon Kiribati aika #RadioKiribati, #TeUekera, #KiribatiNewstar ao ai #Kiri1TV n ira kanoan te maroro are e karaoaki n ana conference room te Maneaba ni Maungatabu are i Ambo.
E teretere inanon te birim aio bwa iai aua (4) mwakoron te maroro n aron aikai:
1. Bwa iai te raraoma ao te tabeaianga irouia kain Kiribati ni kaineti ma aron ana waaki te Tautaeka are e kairaki ngkai iroun His Excellency Taneti Maamau ma kain ana bwatei ae Tobwaan Kiribati Party (#TKP).
A tiraua waaki aika e raraoma iai #BKM ma teuana ae taona mwaina bon arona ni ikarekebai ma Tiaina are e tabe n rikirake inanon tain te rinerine aio.
Te raraoma aio are e karibua angin #BKM bwa e na riai ni kamanoa #Kiribati man waaki aika e na kabuanibwai iai...
Tao ti aaki rarangaia nako ikai ma koa bon mataku ni karekea am koaua...
2. Inanon te maroro aio ao e introduced ana Tia Kauaaba te bwatei ae #BKM nakon te nakoa n Beretitenti. Antai #BanueraBerina ? Tera nakoana ma ana background? Iai ana konabwai ni kabuta te waaki n Tautaeka? Koa ongora ao ni karekea am koaua inanon te maroro aio...
3. Katamneia n am iango bwa ea reke nakon te nakoa ni kairiri #BanueraBerina ao #BKM e nang tauraoi n tobwa Kiribati inanon te 4 n ririki ae imwaira... te titiraki ae e na wai mai iroum bwa tera kanoan waan #BKM ngkana ea taua te kaintekateka? Eng, tao ea kaman tabwena rongorongona n taian kaongora aika waaki ngkai iaon #Kiriabti... ma imwin ae e tia ni kamanoaki abara mai iroun Tiaina te Komuniti... ao a nang mwakuri mwaaka Taan Tei man #BKM bwa a nang karaanga te kabwaia nakoia kain #Kiribati.
4. E reke naba ana tai n maroro temanna ara Karineaki ae Sir Ieremia Tabai are te Tia Tei temanna mai Nonouti. E maroro Sir Tabai iaon taekan ana waaki #TKP are kanga e a kateitea riban te waaki n komuniti.
E moanna ma te komete are ea tiringaki naba matana iroun te Tautaeka ngke e a ataia bwa e nang botataia kain ana bwatei, moarara riki bon ana Minita, bwa ana kabaneaki...
E maroro naba Sir Tabai iaon 2 bwaai are e na karaoi #BKM ngkana arona bwa e roko nte kaintekateka are e na buoka riki aron kakiraatin te waaki n Tautaeka n raonaki ma kamanoaia taan mwakuri nte Tautaeka ake a ribotini mwakuri n aonikai mai irouia ara Tia Kairiri. Bwaai aika 2 aikai bon te Freedom of Information Act ao te Whistleblower Protection Act.
E na tekeraoi matakumi ao karekean ami koaua iaon ana iango #BKM are e iangoia ibukim, ao ibukia natira, ao ibukin abara ae tangiraki!
Ara bau ma ngkami n taai nako te Mauri, te Raoi ao te Tabomoa... ao e na raoni ngkami te Uea ae mwaaka inanon ami tai ni babaire nakon te rinerine n 22 n Tuun.