Рет қаралды 36,186
အိုးတွေမရှိလို့ ဘုရားကျောင်းကနေ အိုးတွေငှားရမ်းပြီး ထမင်းနဲ့ဟင်း တစ်ပွဲကို ကျပ် ၁,၀၀၀ တည်းနဲ့ ရောင်းပေးနေသူ တန်မှတန် ထမင်းဆိုင်ပိုင်ရှင် ကိုကျော်ကျော်
-------------------
အိုးမရှိသလို အိမ်ပိုင်လည်း မဟုတ်ပါဘူး။ ဒါပေမဲ့ ကိုကျော်ကျော်ဟာ လူတန်းစားမရွေး စားသောက်နိုင်စေဖို့အတွက် တန်မှတန် လို့ နာမည်ပေးထားတဲ့ ထမင်းဆိုင်လေးကို ဖွင့်လှစ်ခဲ့ပါတယ်။ ထမင်းနဲ့ဟင်း တစ်ပွဲကိုမှ ကျပ် ၁,၀၀၀ တည်းနဲ့ ကိုကျော်ကျော်က ရောင်းချပေးနေတာပါ။ ဒီထမင်းဆိုင်လေးမှာ ချက်ပြုတ်ဖို့အတွက် အိုးတွေကို အိုးပိုင်မဟုတ်တာကြောင့် ဘုရားကျောင်းကနေ ငှားရမ်းချက်ပြုတ်ရတယ်လို့ ကိုကျော်ကျော်က အသိပေးပါတယ်။ အရင်တုန်းက တုတ်ထိုး၊ အသုပ် စတာတွေကိုလည်း ကိုကျော်ကျော်က ဈေးသက်သက်သာသာနဲ့ ရောင်းချပေးခဲ့ဖူးပါတယ်။ သူ့အနေနဲ့ ထမင်းသီးသန့်ပဲပါတဲ့ ထမင်းထုတ်တစ်ထုတ်ကို ကျပ် ၇၀၀ နဲ့ ဝယ်ခဲ့ရတာကို ကြုံခဲ့ရပြီးတဲ့နောက် လူအများကို စာနာတဲ့စိတ်နဲ့ တစ်ရက်၊ နှစ်ရက်အတွင်းမှာပဲ ထမင်းနဲ့ဟင်းကို ငွေကျပ် ၁,၀၀၀ တည်းနဲ့ စားနိုင်မယ့်ထမင်းဆိုင်ကို ဖွင့်ပေးလိုက်တာဖြစ်တယ်လို့ ကိုကျော်ကျော်က ပြောပြပါတယ်။ မရှိဆင်းရဲသားတွေ၊ အခက်အခဲကြုံနေရသူတွေကို လှူဒါန်းချင်တဲ့ အလှူရှင်တွေက ဆက်သွယ်လာခဲ့ရင်လည်း နေ့လယ် ၁၂ နာရီနောက်ပိုင်းမှာ အဲ့ဒီနေရာဆီကို ကိုကျော်ကျော်က အရောက်သွားပြီး အလှူဒါနအတွက် စီမံကျွေးမွေးပေးနေပြီပဲဖြစ်ပါတယ်။ အိုးတွေမရှိလို့ ဘုရားကျောင်းကနေ အိုးတွေငှားရမ်းပြီး ထမင်းနဲ့ဟင်း တစ်ပွဲကို ကျပ် ၁,၀၀၀ တည်းနဲ့ ရောင်းပေးနေသူ တန်မှတန် ထမင်းဆိုင်ပိုင်ရှင် ကိုကျော်ကျော်ရဲ့ မွန်မြတ်စိတ်ထားနဲ့ ခံယူချက်တွေကို Mercury Variety ပရိသတ်တွေအတွက် တင်ဆက်ဖော်ပြပေးလိုက်ပါတယ်။
#MercuryVariety #MV #MercuryExclusiveInterview #ExclusiveInterview #MercuryLifeStoryInterview #LifeStory #တန်မှတန် #ကျပ်တစ်ထောင် #ထမင်းနဲ့ဟင်း #ကိုကျော်ကျော် #အလှူဒါန #မွန်မြတ်စိတ်ထား #ခံယူချက် #ထမင်းဆိုင် #Yangon #Myanmar