Рет қаралды 343,113
အုန်းနို့ခေါက်ဆွဲ
အုန်းနို့ခေါက်ဆွဲလုပ်နည်းတင်ပေးပါလို့ ပြောနေတဲ့သူတွေ တင်ပေးလိုက်ပြီနော်။ အိစံက အုန်းနို့ခေါက်ဆွဲချက်ရင် ကြက်ကို ဗမာကြက်သုံးပါတယ်။ အဲ့တာမှ ဗမာကြက်က ထွက်တဲ့အချိုနဲ့ အုန်းနို့ခေါက်ဆွဲက အရမ်းကောင်းပါတယ်။ အခု video လေးမှာ အုန်းနို့ခေါက်ဆွဲဟင်းရည်ကို တဆင့်ချင်းချက်ပြထားလို့ အဲ့အဆင့်ချင်းဆီအတိုင်းလိုက်လုပ်ရင် အုန်းနို့ခေါက်ဆွဲဟင်းရည်ကောင်းကောင်းရမှာဖြစ်ပါတယ်။ အုန်းနို့ဟင်းရည်လုပ်တဲ့အချိန်မှာ အုန်းနို့ကို စောပြီးထည့်ရင် သိုးတတ်ပါတယ်။ အဲ့တာကြောင့် အုန်းနို့ကို ဘယ်အချိန်မှာထည့်ရတယ်ဆိုတာလေးလဲ သေချာပြထားပါတယ်။ လိုက်လုပ်ကြည့်နော်။
ပါဝင်သောပစ္စည်းများ (အုန်းနို့ဟင်းရည်အတွက်) (၁၂-၁၅ ပွဲစာ)
၁။ ဗမာကြက် - ၄၀ သားခန့် ရှိသော ၁ ကောင်
၂။ မွှေး ကုလားပဲအစိမ်းမှုန့် - ၁ ထုပ် (၁၅၀ ဂရမ်)
၃။ ရေ - ၃ လီတာခွဲ
၄။ အုန်းနို့ - ၈၀၀ ml
၅။ ဆား - လက်ဖက်ရည်ဇွန်း ၂ ဇွန်း
၆။ သကြား (သို့) အချိုမှုန့် - ထမင်းစားဇွန်း ၁ ဇွန်း ခွဲ နှင့် လက်ဖက်ရည်ဇွန်း ၁ ဇွန်းခွဲ
၇။ ဆနွင်း - လက်ဖက်ရည်ဇွန်း တဝက် နှင့် လက်ဖက်ရည်ဇွန်း လေးပုံတပုံ
၈။ အရောင်တင်မှုန့် - လက်ဖက်ရည်ဇွန်း ၁ ဇွန်းခွဲ
၉။ ငါးငံပြာရည် - ထမင်းစားဇွန်း ၃ ဇွန်း
၁၀။ ကြက်သားမှုန့် - လက်ဖက်ရည်ဇွန်း ၁ ဇွန်းခွဲ
၁၁။ ဂျင်း - အနည်းငယ်
၁၂။ ကြက်သွန်ဖြူ - ၁ မွှာ
၁၃။ ဆီ - ထမင်းစားဇွန်း ၄ ဇွန်း
၁၄။ ကြက်သွန်နီဆီချက် - ထမင်းစားဇွန်း ၁ ဇွန်း
၁၅။ ကြက်သွန်ဖြူဆီချက် - ထမင်းစားဇွန်း ၁ ဇွန်း