#APATV #Azərbaycan #qarabağazərbaycandır #milliqəhrəman #Tovuzdöyüşləri #poladhesimov #poladhəşimov #44günlükmüharibə #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2023
Polad Həşimovun şəhid olduğu postdan REPORTAJ - APA TV
Tovuz döyüşlərindən 3 il ötür. Bu münasibət ilə Müdafiə Nazirliyin təşkilatçılığı ilə döyüşlərin başladığı əraziyə media tur təşkil edilib. Səfər çərçivəsində media- tur iştirakçıları hərbi avtobusla döyüşlərin başladığı Ağdam kəndinin yaxınlığında
yerləşən Qaraqaya adlan əraziyə yola düşüb. 1 saat yaxın mürəkkəb yol qət etdikdən sonra media nümayəndələri ilə birlikdə dövlət sərhədində yerləşən posta çatdıq. Posta daxil olarkən baş leytenant Rəşad Mahmudovun şəkilini görmək mümkündür. O həmin döyüşlərdə qəhramancasına şəhid olub. İndi hamı buranı Rəşad mövqeyi adlandırır. Beləcə səngərlərlə döyüşlərin qızğın getdiyi ərazilərə daxil olduq. Burada vətənin keşiyində duran Azərbaycan ordusunun hərbi qulluqçuları ilə rastlaşdıq. Müdafiə Nazirliyinin təşkilatçılığı ilə baş tutan səfər çərçivəsində jurnalistlər iyul döyüşlərin başladığı ərazi ilə yaxından tanış oldular. Media nümayəndələrinə bildirilib ki,
Azərbaycan ordusu dövlət sərhədində yerləşən strateji əhəmiyyətə malik olan bütün yüksəkliklərə nəzarət edir. Döyüşlərin baş verdiyi ərazidən düşmənin mövqeyini və yaşayış məntəqələrini görmək mümkündür. Qalib Azərbaycan ordusunun hərbi qulluqçuları Azərbaycan Ermənistan dövlət sərhədində bütün sutkanı xidmətdədirlər. Onlar düşmən mövqelərinə 24 saat nəzarət edir. Azərbaycan ordusunun hərbi qulluqçusu Eşqin Əsədov iyul döyüşlərinin canlı şahidi olub. O şiddətli döyüşlərin 3-cü günündə yaralanıb. Düşmənlə üz-üzə xidmət edən Eşqin Əsədovun sözlərinə
görə, Qarabağa gedən yol Tovuzdan başladı.
İndi Mübariz postu əgərlərimizin and yerinə çevrilib. Hər il genral
mayor Polad Həşimovun şəhid olduğu gün burada anılır. Kiçik çavuş
Samir Tağıyev dövlət sərhədində gedən döyüşlərdə Polad Həşimovla
bir yerdə döyüşüb. Onun sözlərinə görə genral -mayor Polad
Həşimovun posta gəlməsi hərbi qulluqçulara ruh yüksəkliyi verdi.
Baş Leytenant Aqşin Alıyev də iyul döyüşlərində Polad Həşimovla
birlikdə döyüşüb. O Polad Həşimovla olan xatirələrini bölüşüb.
Qeyd edək ki Tovuz döyüşləri iyulun 17-də Azərbaycan Ordusunun qələbəsi ilə yekunlaşıb və heç bir ərazi itkisi olmayıb. Beləliklə, döyüşlərdə Azərbaycan Ordusunun 12 hərbi qulluqçusu - general-mayor Polad Həşimov, polkovnik İlqar Mirzəyev, mayor Namiq Əhmədov, mayor Anar Novruzov, baş leytenant Rəşad Mahmudov, gizir İlqar Zeynallı, gizir Yaşar Babayev, çavuş Vüqar Sadıqov, müddətdən artıq həqiqi hərbi xidmət edən baş əsgər Elşad Məmmədov, müddətdən artıq həqiqi hərbi xidmət edən əsgər Elçin Mustafazadə, müddətdən artıq həqiqi hərbi xidmət edən əsgər Nazim İsmayılov və əsgər Xəyyam Daşdəmirov qəhrəmancasına şəhid olublar. Ermənistan ordusunun itkiləri qat-qat artıq olub. Bu bir yana avqust ayında Ermənistan silahlı qüvvələrinin diversiya-kəşfiyyat qrupunun komandiri, baş leytenant 1989-cu il təvəllüdlü Qurgen Alaverdyan Azərbaycan ordusu tərəfindən həyata keçirilmiş tədbirlər nəticəsində
müəyyən edilərək saxlanılıb. 2020-ci ilin sentyabrın 27-dən etibarən Azərbaycan Ordusu tərəfindən düşmənin təxribatlarına qarşı əks- hücum əməliyyatlarına başlanılıb. 44 gün davam edən Vətən müharibəsi nəticəsində Azərbaycanın 30 ilə yaxın işğal altında olan
torpaqları azad edilib. Prezident İlham Əliyevin 2020-ci ilin dekabrın 9-da imzaladığı sərəncamlarla Polad Həşimov və İlqar Mirzəyevə Azərbaycanın Milli Qəhrəman adı verilib. İntensiv atəşə tutulma nəticəsində Tovuz rayonunun Ağdam, Dondar Quşçu, Vahidli, Əlibəyli, Yuxarı Öysüzlü və Aşağı Öysüzlü kəndlərində mülki əhaliyə dəymiş ziyanın aradan qaldırılması məqsədi ilə Azərbaycanın 2020-ci il dövlət büdcəsində nəzərdə tutulmuş Prezidentin ehtiyat fondundan Fövqəladə Hallar Nazirliyinə 1 milyon manat vəsait ayrılıb. Düşmənin Tovuzda dağıtdığı evlər və digər obyektlər bərpa edilib.
Fuad Nazimoğlu Mehdi Rəşid APA TV Tovuz
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: kzfaq.info...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TƏKLİFİ ÜÇÜN (Contact) info@apa.tv