#APATV #təhsil #kredit #semestr #TəhsilTələbəKreditiFondu #tələbə #karyera #Azərbaycan #apagroup #apaxeber #apaxəbər #apatvxəbər #apaxeberler #xeberler #sonxeberler #gundemxeberler #xəbərlər #sonxəbərlər #xəbərlərbugün #xəbərlərdəbugün #gününxəbərləri #xəbərləryeni #sondeqiqe #gününəsasxəbərləri #sonxeberlerbugun2022 #canlıyayım #apacanlı #birbaşayayım #aparesmi
Payız semestri üzrə təhsil krediti almaq üçün 5678 nəfər müraciət edib.
APA TV xəbər verir ki, bunu Təhsil Tələbə Krediti Fondunun icraçı direktoru Araz Paşayev jurnalistlərlə görüşündə bildirib: “Təhsil Tələbə Kredit Fondu iki kredit məhsulu təqdim edir. Sosial təhsil tələbə krediti həssas qrupları əhatə edir və 2% ilə verilir. Standart təhsil tələbə kreditləri isə ödənişli və əyani təhsil alan hər bir şəxsə aiddir“.
Artıq 3590 yekunlaşdırılmış müraciət üzrə 1116 nəfər sosial, 1783 şəxs isə standart təhsil tələbə krediti alıb. İlk yeri biznesin idarə edilməsi ixtisası ilə 187 nəfər tutub: “Tələbələr daha çox sosial təhsil tələbə kreditindən istifadə edirlər. Onlar valideynlərinin sosial qrupa aid olub işləmədiklərini göstərirlər. Ancaq həmin valideynin işləməsi haqqında məlumat sistem üzərindən tapılmır. Buna görə də “valideynim işləmir” dedikdə valideynlərin müvafiq dövlət orqanında işsiz kimi qeydiyyatda olması mütləqdir”.
Təhsil tələbə kreditləri verilərkən zamin və əlavə heç bir faiz tələb olunmur.
İxtisas seçimi və karyera üzrə mütəxəssis Adil Vəliyev deyir ki, Dövlət təhsil almaq istəyənlər üçün çox gözəl bir şans yaradıb: “Bu günə kimi bir çox abituriyentlər təhsil haqqına görə istədikləri ixtisası seçə bilmirdilər. Ancaq Fondun yaratdığı bu imkan sayəsində artıq təhsil haqqı problemi olmayacaq. Artıq hər tələbə öz sevdiyi ixtisası seçə biləcək“.
Təhsil üzrə ekspert Kamran Əsədov deyir ki, digər dünya ölkələrinin təcrübəsindən fərqli olaraq, bizdə güzəştlər daha çoxdur: “Bu da bizi sevindirir. Hazırda Azərbaycanda verilən kreditlər imkan verir ki, bizim ali təhsilin keyfiyyəti də artırılsın. Çünki tələbənin təhsil aldığı müddət ərzində akademik göstəriciləri yaxşı olarsa, 4 ilin sonunda gözəşt əldə edir. Götürdüyü kreditin 50%-ə qədəri silinir”.
Qeyd edək ki, Azərbaycan bölməsi üzrə təhsil alan 2638 şəxs təhsil tələbə krediti alıb.
Yaz semestri ərzində bu günə qədər 3000-ə yaxın tələbə təhsil krediti üçün müraciət edib. Artıq 400 nəfərin müraciəti rəsmiləşib.
✅ Rəsmi saytımız: apa.tv
✅ Rəsmi facebook səhifəmiz: / tvapaxeber
✅ Rəsmi instagram səhifəmiz: / apatvresmi
✅ Rəsmi twitter səhifəmiz: / apatvofficial
✅ Rəsmi teleqram səhifəmiz: t.me/apa_tv
✅ Rəsmi youtube kanalımız: kzfaq.info...
Copyright © APA TV
Videolarda yazılan rəylərə görə kanal rəhbərliyi məsuliyyət daşımır.
REKLAM TEKLİFİ ÜÇÜN (Contact) info@apa.tv